Kay Comisión de Participación Ciudadana y Control Social tantari, chay Recuperación de Bienes de Origen y Destino Ilícito e Injustificado, conocido también como Ley de Extinción de Dominio kamachiyta allichishpa katin.
Chayta rimanakunkapa Beatriz Rodríguez yachakta kayarka, Consejo de Participación Ciudadana, David Rosero kamachikta chaskirka.
Kay Rodríguez yachakka ista kamachiykunawan kimirishka kamachiymi kan nirka, Mamakamachiywan mana takarinchun nirka, Mamallaktapak kawsaywanmi ashtawankarin kimirin, tukuy runakunami mayhantapash mana llakichishpa, kamachiy arinishkawan charinata hayñita kun, rimarka.
Paymanta, David Rosero kamachikka, shuwashkata tarishpa kallaripika, shuwashkamanta shuwa imata charishka hapinatami mushuk kamachiyta rikuchin, chaytami ashtawanakarin sinchiyachina, rimarka. Shinallatak charishka chinkashkamanta kullkita tikrachinatapash rimarka. Chaymanta kamachikka kay kamachiy chay chinkashka llakita allichinka yanapanka nirka.
Ña tukuchinkapa Gloria Astudillo, kamachiy killkakka, ashalla pachata llankashpa achka charik tukushkamanta kullkita tikrachichun kamachiyka mañanka, nirka. Kay kamachiyka llaktay katikachayta rurankapa makita mana kunkachun, Mamallaktapi alli kamachiy tukushpa hatun shuwakunata katinkapa, imata apashkata tikrachichun kayanka nirka.
SV/cz/jc-kichwa
