Mamallakta Tantanakuyta pushak, César Litardo Caicedo, kamachiy killkakkunata chilla, 20 punchapak kayarka, 14h00 sayllata rimanakuy kallarinka, chaypimi Reformatoria a la Ley de Aviación Civil kamachiyta kallari atinakuypak willayta chaskinka.
Kay killkashka pankataka Comisión de Desarrollo Económico tantarimi achkata rimanakushpa allichirka.
Shinami kay kamachiywan Mamallaktapi mana punchanata pawak antankakuna purina sayllata allichinka, ashtwankarin chárter wapakkunata allichinka, chayta allichinkapa rikunakapa mana shuk kamachiy tiyan, chayta kunanka nikinka, rimarka.
Chaymanta kamachiy killkakkunaka Mamallakta chay llakita allichichun shuk ñanta mashkachun mañarka, shinami antawapi purik runakuna alli pawachun yanapanka, rimarka. Kunankama chay antankakuna wakinpi pawana pachapi mana llukshin, wakinpika runakuna antanka pampa punkupi tawka sayllakunata sakin, kamachiy killkakkuna rimarka.
Chay kamachiymanta rimanakushpa, (chárter) antawakuna nikishka pawachun allichina mutsuy llukshirka, chay antankakuna achkakuna maypipashkachun payway kallarin nirka, antankapi purikkunata mana ukllan, wakinpika antanka llukshina punkupi sakin, rimarka.
SV/cz/jc-kichwa
