Kay Soberanía Alimentaria y Desarrollo del Sector Agropecuario y Pesquero Minkarishka, Lenin Plaza Castillo pushakuk, kay Unidad Nacional de Almacenamiento (UNA EP) tantanakuy wichkarina nishkamanta llankashka ñawinchiytami paktanka, shinami uchilla, maltalla tarpukkuna mutsushkata yanapanka, paykunamanmi murukunata rantikkarka, fincas tarpuna pampakunapi chani pakta kachun.
Kay yuyaywanmi, Minkarishkakuna shumuk hunkaypi UNA tantanakuy pushak, Farid Saud runata kayachinka, paymi imashina kay tantanakuy chinkarinapak ruraykuna paktanta riksichinka, shinallatak silos (muru wakichina) ukukuna imata tukunka, kay punchakunaka arroz, sara, shuktak murukunatapashmi charin, llaktapi tarpuk runakunaman rantishkata.
Shinallatak, Tarpushka murukunata wakichinapi, mintalanapi mayhan tantanakuytak pushanapak sakirishkata rikuchina kan, shinallatak ancha mutsuypi wakichinapak; hillaykunata mintalana chayachinapakpash; shinallatak tarpushka murukunata, hillaykunata, antakunata shinallatak kay llakta ista llakta kamaywan llakta ukupi, kanchamanapash murukuna rantinkapak, wakichinkapak, charishpa katinapak, mintalanapakapash ima llankay paktantami willanka.
Seguimiento
Katiray
Ashtawanpash, Minkarishka kamachik killkakkunaka Ministerio de Agricultura y Ganadería (MAG) tantanakuy willashkatami riksishpa katinka, karanapak mikuna kits mikunata kay tantanakuy allichishka nishkamanta, tawka kamachi killkakkuna rikukpika tawak murukuna, tupukunapash mana paktami kan ninkunami, shinallatak llaktapi mayllaman mikunata chayachishka pikuna hapishka shutipash illan.
Shinapash, Miniterio tantanakuyka pakta yupaykunatami charina kan, mashnata tantachishka, shinallatak mashna ayllukunata kay mikunata chaskishkata, ninmi.
Shuktak rimarikkuna
Shinallatak, Soberanía Alimentaria Minkarishkaman Comercio Exterior, Producción, Inversiones, Acuacultura y Pesca tantanakuyta pushak, Iván Ontaneda runata, shinallatak Subsecretrio de Pesca pushaktapash, kay Ley Orgánica para el Desarrollo de la Acuicultura y Pesca kamachiyta imashina paktachikushakta yachanapak, shinallatak kay kamachiypak Reglamento uchilla kamachiy ruray imashina paktakushkata yachanapak.
EG/cz/cg-kchw
