Kay Comisión del Derecho a la Salud, William Garzón kamachiy killkak pushakka, kunan puncha, 15h00 sayllamanta rimankauyta charinka.
Chaypimi chay Discapacidades kamachiyta mushukyachinamanta atinakunka, chaypillatak kay Deporte kamachiy allichishka nikikunata rikunka.
Kay kamachiy mushukyanata rikunkapa, Marcelo Simbala kamachiy killkak maykama kay kamachiy paktashkata willanka.
Shinallatak kay kamachiy ancha unkuyta, mana riksishka unkuy , shitashka unkuyta charik runakunata kay kamahiy paktashkata riksichinka. Kay Autoridad Sanitaria Nacional kamachikpak yuyaypika tisiku runakuna 30 % patsakri unkuyta charishpa tisiku kachun mañan.
Kay kamachiypika, Instituto Ecuatoriano de Seguridad Social (IESS) kamaywasi kawsaykamay ukuman yaykurishka tisiku runakunata hampishpa yanapachun mañan, shinallatak paypak ayllupash hampishpa, ama llakichishpa, kuyashpa, armachishpa, karashpa yanapachun mañan.
Kamachiy killkak, Reformatoria de la Ley del Deporte kamachiypak nikita; Educación Física y Recreación kamachiypak nikita rikunka, kay kamachiyka kari, warmi pukllakkunapak munaytami allichinka, paktachinka.
Shinallatak, kay kamachiyka tukuy mita kari warmi, tawsami pukllakkuna alli kawsayta charichun, alli mikuyta charichun, wasita, pukllana pampakunata charchun achkata yanapanka. Chay pukllakkuna Mamallaktapi, istallaktakunapi alli pukllashpa mishachun ushayta kunka, washamanta ama harkarichun makita kunka. Chayta yuyashpa kay kamachiyta Minkashka patakumanta sumakrurakkuna hatun yachaywan yanapashka kan.
RSA/cz/jc-kichwa
