Mamallakta Tantakuyta pushak César Litardo Caicedo, aymuray killa, 24 puncha, 11h00 sayllapak kamachiy killkakunata.
Mamallakta Tantanakuypak wasi ukuman kayarka, chaypimi Mamallakta Pushak, Lenín Moreno Garcés Mamallakpi watata llankashkata llaktakunaman, kamachikkunaman willanka..
Kay kayaytaka Mamallakta Mamakamachiypak 120 niki, 147 niki, 4 yupaypi, 7 yupaypi hapirishpa, kay Función Legislativa Hatun Kamachiypak 44 nikipi hapirishpa kayarka.
Mamakamachoiypak, kamachiypak nikikunapi, yupaykunami Mamallaktapak kari wami Mamallakta Pushak pay watapi Plan Nacional de Desarrollo llankayñanwan llankashkata llaktaman willachun mañan. Shamuk watapi paktanatapash willachun mañan.
Kay hatun willaypi pichka iñukunata rimanka, chayka: kallaripika Estandarte Nacional yaykurin; Himno Nacional del Ecuador hayllita takinka. Kimsa iñupika, César Litardo Caicedo Mamallakta Tantanakuyta Pushak rimanka.
Mamallakta Tantanakuyta Pushak rimashka kipaka, chaypimi Mamallakta Pushak, Lenín Moreno Garcés Mamallakpi llankashkata llaktakunaman, kamachikkunaman willaywan katinka. Tukuripika Estandarte Nacional ña kanchaman llukshinka, chaywan tukurin.
SV/cz/jc-kichwa