Kay Grupo Parlamentario por la Garantía de los Derechos de Niñas, Niños, Adolescentes y Jóvenes tantanakuy, kutinpashmi shuk virtual rimanakuyta kay 25 puncha aymuray killa 11h00 pachapi charinka, kay yuyaykunatami rimanakunka; kay Covid-19 unkuy llaki ukupi llaktayukpak kullki chayachishka, wawakunapak wamrakunapakpash yachay hampina paktakushkatami rimanakunka.
Kay chushku niki virtual rimanakuypi María del Carmen Calle, kay Congreso Andino de Salud Oras-Conhu tantanakuypak killkakamayuk; Pilar Collantes, kay Derecho a la Salud Voces Ciudadanas tantanakuypak shutipi rimarik; Nicky Bravo, kay Movimiento Social por la Niñez y Juventud de Ecuador tantanakuymanta ayllikinami rimarinka.
Kay tantanakuypika Silvia Salgado shinallatak Ángel Sinmaleza kamachi killkakkuna rimarinka, paykuna Educación y del Derecho a la Salud Minkarishkapi llankakmi, shinallatak Grupo Parlamentario por los Derechos de la Niñez tantanakuypipashmi llankan.
Shinallatak, Fernando Aguinaga runa, Sociedad Ecuatoriana de Pediatría tantanakuyta pushak; Valeria Lozano wamra, Movimiento de Niñez y Adolescencia tantanakuymanta kay El Oro markapi; Juan Martín Pérez, kay suyu llaktakunapi #TejiendoRedesInfancia tantarita pushak.
Shinallatak, Baron Hidrovo runa, kay Reporte “Una mirada a la Salud de la Niñez y Adolescencia en Ecuador” tantanakuypi mushuk yuyayta mashkak; shinallatak, Milton Rocha, Universidad Indoamérica yachachikpash rimarinka.
Kay tantanakuyka kay Coronavirus unkuy ukupi wawakunapak wamrakunapakpash yachay, hampina, llaktayukta kullki yanapaypash imashina paktana kashkatami rimanakunak kay yanapayka llaktayuk sinchiyachun kan mana kullki tukuchiychu ninkunami.
Kay rimanakuytaka Mamallakta Tantanakuypi Grupo Parlamentario por la Garantía de Derechos de Niñas, Niños, Adolescentes y Jóvenes wankuriymi kayachin, shinallatak Word Vision, Universidad Indoamérica, Voces Ciudadanas, Movimiento Social por la Defensa de los Derechos de la Niñez, Adolescencia y Juventud del Ecuador tantanakuykunami yanapakun.
JLVN/cz/cg-kchw
