Mamallakta Tantanauypi Mmallakta pushak pay watapi llankashkata llaktakunaman willay

Domingo, 24 de mayo del 2020 - 16:45 Imprimir Elaborado por: Sala de prensa

Mamakamachiy, Kamachiy kushkawan Lenín Moreno, Mamallakta Tantanakuypi Mamallakta pushak pay watapi llankashkata llaktakunaman willarka. 

Chaymanta kay willayman kamachiy killkakkuna, tawka hatun kamachikkuna, hatun yachakkuna chayarka.

Kallaripika Estandarte Nacional hatun tantarina yaykurka, kipaman Mamallakta Hayllita tukuy chayman chayakkuna tarirka.

Kay pachallatak, César Litardo Caicedo, Mamllakta Tantanakuyta pushak, chaypi kak kamachikkunata naparka, allishamuyta kurka. Manarak Mamallaktaman willay kallarikpi Covid-19 unkuywan  wañushkakunata yuyarishpa shuk chinillata upallalla sakirichun mañarka.

Mamllakta Tantakuyta pushakka 1822 wata, aymuray killa, 24 punchapi Mamallakta kishpiyrishkata willarka, kay hatun punchata yuyarishpa, mushuk Mamallaktata wallpankapa tukuykuna makita kushka kutintak llankaykunata, kullkitapash mirachishun rimarka, kallaripika runakunapak kawsayta kishpiychina, kipaman kullkita kutin mirachina nirka.

Kamachik, César Litardo Mmallakta Tantanakuyta pushak, kunankama, Mamallakta Pushak kachashka, kachashka 17 kamachiykunata arinishkata riksichirka, chay kamachiykunaka: allikawsaywan, yachaywan, llaktakuna wiñarinawan, llaktayukkunata kamanawan, llankaykunata wiñachinawan kimirin nirka.

Chay kamachiykunaka: Emprendimiento kamachiy, Acuicultura y Pesca kamachiy, Código Integral Penal kamachiy, Código de la Democracia kamachiy, shuktak kamachiykunapash kan nirka.

Mamallakta Tantanakuyka karumanta rimashka atinakuyta pushashkaka Apyayalapi kallarimi kan nirka. Kipaman hatun unkuyya harkankapaka: Hampikuna, Awkakuna, Chapakkuna, Ninata wañuchik kamachikkuna, shukta nanarik runakuna kallari wachupi karka nishpa yupaycharka. Kay llakipi yanapayta chayachik Mamallaktakunatapash yupaycharka.

Mamallakta Pushakpak willay

Mamallakta Pushakpak, Lenín Moreno Garcés, kallaripika kay Covid-19 hatun unkuymanta hatun llakikuna rikurishkamanta rimarka, unkushkakunawan, wañushkapak ayllukunawan nanarirka. Shinallaktak, punchanta llankashpa Mamallaktata hawaman surkunkapa ñakarinata rimarka. Mamallakta Tantanakuyta pushak, César Litardo Caicedo, kamachiy killkakkuna Mamallakta Pushakpak llankayta achkata yanapashkata yupaycharka.

Mamallakta Pushak, paypak tukuri wata llankaypika: llaktayukkunaman allikawsayta, mikunata, llankayta ukllanata, dólar kullkiwan katinata hawaman churarka. Allikawsay llankaypi 10 hunu kullkita tukuchishkata riksichirka. Kay “Dar una mano sin dar la mano” llankaywan shuk hunu kits ashanka mikunata hatun unkuy purik punchakuna ayllukunaman chayachishkata willarka.

Shinllatak llankayta ukllanaka, kaymi kullkiyaypak hatun kuyu tukun, chaymi kutintak kapukyaypak yanapanka, rimarka. Shinallatak, mañashka kullkimanta wawakullkita urayachina, killapi llankaykullkita llankakkuna hapichun ashyachina nirka. Shinallatak dólar kullki katichun kamashka kanka, kullkimanta yachakkunawan yanapashka kanka, willarka. Rimayta tukuchinkapa tukuy kamachikkuna, runakuna, kamaywasikuna shuklla tukushpa wamanita churashun, shinami kunanpi kullki llakita, allikawsay llakita, runakunapak llakita tukuykuna allichichun, mañarka.

SV/cz/jvc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador