Kay Comisión de Fiscalización y Control Político tantarita pushak, Johanna Cedeño Zambrano kamachiy killkak, Alexandra Ocles, Servicio Nacional de Gestión de Riesgos yallik kamachikta chaskirka.
Payka 7000 kits mikuna ashankata rantinkapa tukuy tatkikunata katishkata willarka, chay ashankakunata kay Covid-19 unkuymanta llakirishka ayllukunaman kunkapa karka nishpa willarka.
Chay ashankakunaka shuk hunu, 55 waranka, 740 dólar kullkipi rantishkata Ocles willarka, Impuesto al Valor Agregado (IVA) kullkitapash kushkata willarka, chaymi 150,82 dólar kullki, sapan kit kullki chani kan nirka, manarak rantishka karka, Mamallaktapak kullkita mana yanka shitashka kan nirka.
Panta willaykunata chaskishpa ñukataka yanka huchachin yallik awllikka rimarka, wakcha shinami runakunata yanapanka mikunata rantik kamachikta llakihin nirka, “mana ashalla ashankachu kan, achka mikunami kan”, 33 waranka lutsunta charin, llakirishka ayllukunata yanapankapa kan, rimarka. Kay kits mikunakunaka istallakta imashina kan shinallatakmi kipika kan nishpa riksichirka.
Ñukami kay yanka huchachi achiklla sakirichun shuyani nirka, llakta ushay kallpaypi llankashpa mana llakita charishkata willarka. “Mana mancharishka kani” tukuripi rimarka. Chay Michel Doumet, Luis Pachala kamachiykillkakkunapak tapuyta tikrachishpa, Alexandra Ocles hatun kamachik pankata kuchun kayashka rikunkapa rirka.
Kayta rikushpa, Comisión, Johanna Cedeño tantarita pushak rimanakuyta chaypilla wichkarka, mama Ocles pachata charishpa shamukpi rimanakuyka katinka nirka. Chaymanta Ocles yallik kamachik kits ashankata rantishka tukuy pankakunata chayachichun mañarka, chaywan kipaman rimanakuypi kamachiy killkakkuna ashtawan yuyayta tiksishpa tapuykunata charichun nirka.
EG/cz/jc-kichwa
