Kay Comisión de Derechos Colectivos tantaripi, chay Gustavo Isch, secretario General de Comunicación de la Presidencia de la República kamachik tantariman chayanka.
Kay Hatun Coronavirus unkuymanta llaktakunaman willankapa Corporación Andina de Fomento (CAF) 370 waranka dólar kullkiwan pusharka nishpa willarka.
Shinami ankipi, karurikuchik hillaykunapi willarka, runakunaman hamutachirka nishpa riksichirka.
Shinallatak Mamallakta Tantankuypi ama alli willaykuna llaktakunapi purikta harkankapa imatatak kamachiy killkakkuna rurana kan, kunankamaka 336 yananka willaykuna Mamallaktapimi purin, ashtawankarin chayta Guayaquil llaktapimi yalli yanka willaykuna uyarishka, rikurishka nirka.
Kunankama kay hatun unkuy purishka pachapika 232 willan hillaykunami kamachiywan arinishka kan, kayta katishpa tukuylla kamaywasikuna karumanta rikurishpa, karumanta rimashpa hatun unkuy hawa kamachikuna, wikllakkuna llakita charik runakunata tapushpa willachun, paykunatapash rimachichun mañashka kan nirka.
Kutin, Vicente Taiano, Registro Civil, Identificación y Cedulación Hatun Kamachik, runakunata ama hatun unkuy hapichun, kawsaykamay tuputa rurashpa runakunata kamaywasipi kashkirkanchik nirka, pawkar killa 17 punchamanta Mamallakatapi kipuk 24 ukukuna llankarka nishpa willarka.
Kay Registro Civil kamaywasi kitikunapi, achikta churay punchamanta shuktak ñanta mashkashpa llaktayukkunata karumanta rikushpa chaskirkanchik nirka, chaypimi kawsakkamayta, karumanra rikushpa runakunata chaskina ñanta churarkanchik rimarka, shinami washanpura katishpa llaktayukkunaka paykuna mañashka mutsuyta chaskirka.
Imashinami, 2019 wata, pawkar killapi, 1909 wañushkata killkachirka, 2020 wata, pawkar killapika 4853 wañushkata killkachirka, kutin 2020 wata, ayriwan killapi 10.945 wañushkata killkachirka. Kutin aymuray killa, 15 punchamanta ña mana achka wañushkata killkachin nishpa willarka.
JLVN/cz/jc-kichwa
