Kay Consejo de Administración Legislativa tantanakuymi Código Orgánico Integral Penal kamachiyta mushukyachinapak arininka, shinami llaktapi unkuy pachakunapi llankay paktashpa Corrupción llakikuna anchuchinka, llakta pushakmi kay kamachiy ruranapak killkata chayachishka, kamachiy rurana pacha ukupi llankachun nishpa, kay kamachiypika Fiscalía tantanakuy kullki panta tukuchiyta rikuna chaparanapak hillayta chayachin, ima llakimanta utkashpa llankay paktanami ama llakichiy tuyachunmi mashkan.
Kay mañayka, ashtawanpash, charinata yanapaypipash llankanapi corrupción llaki tiyakpi pakta chikanyachishpa wanachinatami achikyachin; shinaka Ley Orgánica del Sistema Nacional de Contratación Pública kamachiyta mushukyachinapak mañan kaywanmi llankayta pakta chaparanka shinallatak llaktapi llaki tiyakpi utkashpa yanapaypi imashina llankanata achikyachinka, chashnapash, Ecuador llaktapak llankanapak rikuk tantanakuy wanachiyna ushay charichunpash achikyachinka.
Shinami, Llakta pushakka, kayta kimichichun mañan, Kay Código Integral Penal (COIP) kamachiypi 281 niki killka kipa, llankay paktanapak kallaripi rikuna shinallatak llankay kallarinapak rikunapash, kayshinami Llaktapak llankay wasikunapi llankak, llakta llakipi utkashpa yanapayta ama panta hapichun shinallatak contratación pública yuyay paktarinapak mañashkata ama chikanyachishpak pay munashkata rurachun harkanka, pay yanaparinapak nakashpaka shuktakta yanapanapak. Elusión llakita shinami riksinka nin.
Kayshina, wakin llankay paktanapak, kullkika 10 waranka dólares pakta nakashpaka uriman kakpi, wakllichikpika sukta killamanta shuk watakama wichkashpa wanachina shinalaltak llankay paktanapak pakta kullkiwan wanachinapash.
Shinallatak, kay COIP kamachiypak 550 niki killka kipa katika elusión llaki kakpika kallaripi rikuchik pankakuna llankay paktanata rikuchik pankakunapash fiscal tantanakuymi juzgador runata paktatik mañana kan, kaypi llaki rikurikpika llankayta chaypachallatak harkachichun imashina paktakukpipash, shinallatak llankakman kullkita chayachinatapash harkachina.
Kay killkakunapika, Llaktapushakmi kay Covid-19 unkuy llakita llakta kawsakun kayta chimpapuranapak llaktaka hampikunata, yanapaytapash paktanapakmi achkata rantishpa, shinallatak ancha llakikunami rikurishka kay corrupción llakichiywan.
Kay kamachiy rurana killka kimsa niki killkata shinallatak kanchiks Kamachiy Mushukyachinapak mañay shinallatak Ley Orgánica del Sistema Nacional de Contratación Pública kamachiy mushuyachina mañaymi tiyan.
JLVN/cz/cg-kchw
