Mamallakta Tantanakuypi kamachi killkakkuna kay Orgánica contra el Consumo y Microtráfico de Drogas kamachiy ruranapak killkata ishkay niki rimanakuypi riksishpa kallarin, kaytaka Gobiernos Autónomos Descentralizados Minkarishka allichirka.
Mamallakta Tantanakuypi concejal de Quito, Bernardo Abad, Gustavo Valencia runakuna, Centro para el Tratamiento de Adicciones “12 Pasos” tantanakuyta pushakkuna, shinallatak Julieta Sagnay, Por un Futuro sin Drogas pushak shinallatak, Héctor Yépez kamachi killkak, kamachiy ruranapak mañayta chayachik rimashkata chaskishka kipami rimanakuyta kallarirka.
Kamachi killkak runakunaka Gobiernos Autónomos Descentralizados (GAD) tantanakuykunami kay unmachinkachina drogas harkaypak llankaypi, yanapaykuna allichipipash kimirina kan nirkami. Shinapash, Llakta pushakmi pakta pakta llankayta apana kan; llaktapak unkuy llaki kashkamanta, llaktami kay runakunata hampinapi yanapana kan, nirkami.
Nirkamapashmi Gobiernos Autónomos tantanakuykunami drogas llakita harkapan makipurana kan, paykunami kay ayllukunawan kuchulla kawsakun nirkami. Shinallatak GAD tantanakuykunami paykunapak llankana kullkimanta 10% patsak kullkita rakishpa kay unkuyta chimpapuraypi llankana kan.
Mañarkapashmi, ashtawan, Ministerio de Gobierno tantanakuywan makipurashpami chapayta pushana kan shinallatak kitipushakkuna kamayka hayak yakuta, sayrita, uma chinkachinatapash harkanapak, mananinapak, rikuranapak, chapanapakmi ashtawan sinchiyachishka kana kan, kayshina llakikuna samana pampapi, pukllana pampapi, yachana wasipi, yachana wasi ukupi ama rikurichun, kayshina wakcha ayllukunata yanapanapak.
Shuktak ayllukunaka nirkam kamachiyta mushukyachinami mutsurin kayshinami uma chinkachina drogas llakita pakta harkashun shinallatak ashalla mintalaktapash yachana wasi kuchumanta anchuchishun, nirkami.
Shinallatak GAD tantanakuykuna llankaypi makipurayta chayachichun mana allichu nikkuna tiyarkami, llankanapak kullkita mana charinchu nirkakuna. Shinallatak, kay kamachiyka drogas uma chinkachinapi urmashka ayllukunata wanachinaman apakun, shinallatak hampinata yanapanatami anchuchinapak mashkakun nirka. Nirkapashmi kayshina yanapayka llaktayukman kutinpash kay unkushka ayllukuna tikrachunmi rikuna kan, nirka.
Pusak kamachi killkakkuna, kamachi ruranapak chayachik runawanpash yupashpa rimarishka kipa, minkarishka Pushakuk, César Solórzano runa, kay 670 niki rimanakuyta wichkarka.
SV/cz/cg-kchw
