Kay Instituto Ecuatoriano de Seguridad Social (IESS) kam[j1] aywasipak, Banco del Instituto Asegurador (BIESS) kullkiwasipak kamachikkuna willarka.
Shinami kay Comisión de los Derechos de los Trabajadores y la Seguridad Social tantaripak ñawpakpi, paykunapak makipi kak kamaywasikunata kullki llakita riksichirka.
Shinami, César Rodríguez, director Ejecutivo de la Federación de Cámaras de la Pequeña Industria kamachik, Consejo Directivo del IESS kamaywasipi rimayta charik, Seguros de Salud y de Invalidez, vejez y muerte (IVM) kullikita mana charin nirka.
Chay 2019 watapika 4322 hunu dólar kullkita tukuchirka nishpa riksichirka. Llankakkuna 2637 hunu kullkita churarka nirka. Mamallaktaka1140 hunu kullkita churarka nirka, kunanpika Mamallakta 545 hunu dólar kullkita manun nirka.
Kay 2020 watapi, kullkita tukuchinaka 4460 hunu dólar kullki karka, Mamallaktaka 1870 hunuta churana karka, chay kullkkimanta 1377 kullkita kushka, shinapash 493 hunuta mana chayachishka. kay 2020 wata, ayriwa killapi manuta kuchun mana arinishka, 1500 hunu dólar kullki kan nirka, kay Ministerio de Finanzas kmachik ima puncha kunata mana riksichin nirka.
Paymanta, Ángel Ramírez, Asociación de Trabajadores de la Comunicación del Ecuador “ASOTCE” pushak, kamachiy killkakkunawan tantarishpa hankakkunata paykunapak llankaymanta suchuchishpa surkushkamanta willarka, chaytaka Código del Trabajokamahciypak 169 niki, 6 yupayta hapishpa manu kullkita tikrachichun mañarka, shinami rimankuypi kak kamachikkuna taripayta katikushkamanta rimarka. Shinallatak, Paula Freire, COLINEAL llankakwasipi llankakkunapak shutipi, llankaymanta karkushka rukunakuman mashna watata llankaymanta pinchashkamanta kullkita kuchun rimarka.
RSA/cz/jc-kichwa
