Kayna hunka tukuripi kay “Dar una Mano sin Dar la Mano” llankaywan Mamallaktapak chikan chikan markakunapi Mamallakta Tantanakuy 65 waranka wakcha runakunaman kits ashankata chayachin.
Shinami César Litardo Caicedo, Mamallakta Tantakuyta pushak Los Ríos markapak ayllukunaman mikunata ashankata chayachirka. Shinallatak sapan markamanta kamachiy killkakkunami karupi kawsak llaktayukkunaman chayanka.
Mamallakta Tantanakuypak Kamachiy killkakkuna, awllikkuna yanapaywan 130 waranka dólar kullkita tantachishka, chaywan 13 waranka kits ashankata rantishka, chayka 65 waranka runakunaman chayachin. Shinami Quevedo, Palenque, Urdaneta, Pueblo Viejo, Baba, Montalvo kitikunaman Mamallakta Tantanakuyta pushak mikunawan chayarka, kipaman tukuy Mamallaktaman chayachinka.
Shamuk punchakunapi Kamachiy Killkakkuna sapan markakunapi ashankunata tukurinkakama sapan ayllukunaman ashankata chayachinka, kay Covid-19 hatun unkuy runakunata hapishakamanta, minunata mana charishkakamanta, llankayta chinkashkamanta, Mamallakta Tantanakuy kay “Dar una mano sin dar la mano” llankayman kimirishka, Ministerio de Inclusión Económica y Social kamaywasi, Mamallaktapak Hatun Kamachik pushakun.
Yanapashkapak rimay
Mama, Bolivia Sevillano, Artesanos de la Esperanza llankayman kimirishpa, Mamallakta yanapashkamanta hatun Pushakta achkata yupaycharka, karu ayllullaktapi kawsak runakunaman mikuna ashanka mana chayanka yuyarka, shinapash mikuna ashanka chayamun nirka.
CZ/jc-jc-kichwa
