Tapuyta tikrachishpa Patricio Almeida, Ejecutivo de la Agencia de Regulación y Contro Fito y Zoosanitaria (Agrocalidad) kamachik, aymuray killa, 18 puncha arinishka pankata anchuchishkata, shuktak pankata arishkata willashpa Comisión de Soberanía Alimentaria tantarita mana umapi waktarka.
Chaymanta, Lenín Plaza, tantarita pushak, Ecuador llaktapi tiyak llaktakunata, tarpukkunata pukuchikkunata llakichishpa, shuktak llaktamanta rurukunata, yuyukunata apamunaka mana allichu kan nirka. Imata munashpatak kanchamanta kapukkunata apamunata yuyashkata taripana, katina, achiklla riksichichun mañana nirka.
Kay Francis Abad, Mamallaktapi Prefederación Nacional de Productores de Leche pushak, Víctor Aguilera, Gran Alianza Nacional Agropecuaria pushak, kay 062 yupak yuyaripankaka, Mamallaktapi mikuna yuyukuna, rurukuna, kapukkuna illakta mana rikuchirkachu, kamachikpak munaytami rikuchirka nishpa willarka.
Chay Aguilera taytaka, Mamallaktapi tarpuyta, kapukyayta mirachina ranti, awkimikunata charina ranti, Mamakamachiypak 281, 282, 401, 402 nikikunapi rimashkata pakishpa llakichin, kaytami Ministro de Agricultura kamachik willanata charin nirka, kay cebolla kapukmi Mamallaktapi illan nishpa, yuyutapash, rurutapash rantimunata munarka.
Kutin, Patricio Almeida, Ejecutivo de Agrocalidad kamachikka, yuyarishka pankaka pantami karka nishpa kaninirka. Chaymanta yuyuta rantimuna, ruruta rantimuna mana mutsurishkata willarka, chaymanta 063 yupay pankata anchuchishka kan nirka, kutin mushuk 0071 yupayyuk pankaka tarpukkunata, kapukyachikkunata mana llakichinchu nishpa riksichirka.
Ña tukuchinkapa, Comisión de Soberanía Alimentaria tantari, Mercedes Serano kamachiy killkak, shamuk punchakuna Finanzas hatunkamachikta, Defensa hatunkamachikta kayanka, paykunaka Armada wampukman imamanta kullkita mana chayachishkata willanka, chay wampukka mamakuchapi pakalla chalwata hapikkunata harkanka nishpa rikuchirka.
MG/ea/jc-kichwa
