Kay Comisión del Derecho a la Salud tantari, Reformatoria de la Ley del Deporte; Educación Física y Recreación kamachiy kalllari atinakuypak allishkata charinka.
Kay kamachiytaka sumakrurayta alli yachakkuna yuyayta churashkami kan.
Kay kamachiyta allichina pankakunata tantarita pushak William Garzón churashkami kan, paypak yuyaypika kamachiypak 30 nikikunata killkakatina, rikuna yuyami kan. Mincha chaska, 5 punchami 36 nikikunata rikunka, allichinka, shinami raymi killa 8, 10 punchakunaka 48 nikikunata allichinka, shinami katinka, kutin sitwa killa, 1 puncha kallari atinakuypak arininka.
Kay mushuk kamachiyka ukun kuyurina llankayta, pukllayta, samarinata achkata yanapanka, ukun kuyurina llankaykunaka runakunapak, ayllullaktapa, llaktakunapak allikawsayta charichun achkata yanapanka, shinami Sumak Kawsayman chayachin nirka.
Kay kamachiyka kari, warmi pukllakkuna Mamallaktapi, istallaktakunapi pay yachashkata rikuchichun, mishachun ñanta kunka. Kari, warmi pukllakunapak munaytami kallaripi churachin nishpa willarka. Chaymanta 178 nikikunata, 11 hatun churashkakunata, 4 yallichinakunata charin. Tukuchinkapa kamachiy killkak, William Garzón tantarita pushak, Mamallaktapak llankayta katina rimanakuyka punchantami katinka nirka.
RSA/cz/jc-kichwa
