Kay Participación Ciudadana Minkarishkapi, José Chusin, trabajadores de los gobiernos autónomos descentralizados y empresas públicas tantanakuyta pushak; Mauricio Unda, Comité de Empresa de Correos del Ecuador tantanakuypak killkakamayuk; Marcelo Tapia, Sindicato de Trabajadores de Ferrocarriles tantanakuypak killkakamayuk; shinallatak, Ángel Ramírez willachik runapash, kay Minkarishkaman chayamuchuk akllashka kanka, paykunami llankakpak hayñita wakllichishka nishkamanta rimanka.
Kayshina willaytaka, kunan chillay punchami, Minkarishkaman riksichirka, Raúl Tello kamachik killkakmi pushakurka. Kamachi killkakunaman, José Chusin runaka, kay shamuk 08 puncha raymi killami shuk hatun atirinakuy tiyanka 180 waranka llankak ayllukunata pandemia unkuy pachakunapi llukshichishkamanta, ashtawankarin Guayas, Santo Domingo, Azuay shinallatak Quito llaktakunapi ashtawa.
Llankakta pushakka nirkami llankaymanta llukshichishka shinallatak kay mushuk kamachiy churashka killka mamakamachiypak 328 niki killkawan waktarin, kaypika llankaymanta pakta allí kullkita chayachina nin. Pushakkuna kayshina yuyarishkawanka neoliberales charikta yanapanapak shinallatak llankayta rakinapakmi chaytami Ecuador mamakamachiywan mana pakta nishpa huchachikunchik, ista llakta kamachiytapash wakllichin, kashnami pushakka nirka.
Kayshinamanta, nirkami kullki mañachina ashawa wawakullkiwan shinallatak ista llaktaman kullki kutichinata harkashpa, hatun llankay wasikuna yanapashkawanmi kayshina llakita allichina kan. –kayshina yuyaywanpashmi, Mauricio Unda, Comité de Empresa de Correos killkakakamayuk shinalaltak Marcelo Tapia, Sindicato de Trabajadores de Ferrocarriles killkamayukpash paktarirka.
Mario Unda runaka, kay Empresa de Correos tantanakuy wichkaypika 900 llankakunami 15 shinallatak 20 wata llankashpapish sakirikun, shinallatak ayriwa, aymuray killka llankashka kullkitapash mana chashkishkachu nirka. Shinallatak, Marcelo Tapia runaka Empresa Ferrocarriles del Ecuador tantanakuy chinkariyka mana allichu, kay llankaywasika Patrimonio Cultural del Estado shutichishkami. 2 waranka yalli llankakunami 57 shayarinapi wakllirikun.
Puchukaypika, Ángel Ramírez willachik runata rimachirka, payka 500 llankakkunaman tukuy kay llaktapi willachishpa llankashkamanta mana kullkita chayachin nirka. 87 llankak runakunami kay Canal Uno Quito shinallatak Guayaquil llaktapi llukshirka, tawkakunaka kanchis killa kullkitami mana chaskishka, shinallatak IESS tantanakuyman chayachinatapash harkashka, kullita sakichishka kashappash, kay llakikunatami Ministerio de Trabajo, Mamallakta Tantanakuypash riksina kan, nirkami.
AM/cz/cg-kchw
