Kay Grupo Fronterizo kay Empresa Siembra EP anchuchishkata Mamallakta pushak pichachun mañarka

Jueves, 04 de junio del 2020 - 13:44 Imprimir Elaborado por: Sala de prensa

Kay Grupo Parlamentario Fronterizo, chay Silvia Salgado kamachiy killkak pushashka, kanchis kamachiy killkakpak apuchiwan kay Empresa Siembra EP 1060 yupay churashka kamachiywan, Empresa Siembra EP llankakwasita anchuchishkata Mamallakta pushak Lenín Moreno Garcés, Decreto pichachun mañarka, kay llankakwasi Mamallaktaman yanapana kakpi pichachinka.

Kay Siembra llankakwasika Urcuquí kitita, Imbabura markata kay pichka watapi chay markapi, urkuki kitipi llankaykuna mirarishka, llaktayukkunaman llankakushka, Ciudad del Conocimiento llaktatapash sinchiyachinka.

Shinami Zona Especial de Desarrollo Económico (ZEDE) llaktata ruranka, Mamallaktata yanapanka.

Shinallatak chay llankakwasika unipak tiksi mirarina kullkita, sumakrurayta charin, chaymanta Mallaktapak hatun kamachikkuna, markapak kamachikkuna chay Empresa Coordinadora de Empresas Públicas (EMCO) llankakwasi, Secretaría Nacional de Educación Superior, Ciencia, Tecnología e Innovación (Senescyt) yanapachun mutsurin.

Kay Grupo Parlamentario Fronterizo, chay Doris Quimbiamba, pushakta uyarka; Maria del Carmen Alvear, killkakamayukta uyarka; Silvano Defaz, Frente de Defensa de la Ciudad del Conocimiento, Urcuquí Nuevo Futuro tantariman yaykurishkata uyarka, paykunami hatunllankay ama chinkarichun charirayarka, paykuna sinchita llankashkamanta 40 % patsakri kullki mirarishkata willarka, chaywan Mamallakta pushak anchuchishkawan takarin.

Kipaman, Diana López, Adriana Velasco, Yachay Tech yachanawasipi yachakukkunapak, yayamamakunapak shutipi rimayta charirka, paykunaka Universidad Especializada en Ciencias e Investigación yachana wasita alli yachachik kashkata riksichirka, kay sumakyachana wasi Apyayapi hatun rikurishkata willarka.

Shinallatak, Urcuquí kitipak, Tyrone Vega kamachik, Imbabura, Pablo Jurado kamachik, paykuna hatunllankak kallaripi mana allinta willarka nishpa riksichirka, paykunaka. “Imbabura marka Yachay yachanwasi katichun shayarishka kan nirka”, Jurado marka kamachik Decreto 1060 churashka kamachiyta anchuchichun mañarka.

Tantariman yaykurishka: Diego García, Marcelo Simbaña, José Chalá, René Yandún, Elio Peña, Freddy Alarcón kamachiy killkakkuna, Empresa Siembra EP llankakwasi kullki wiñarichun, llankay mirarichun llankashpa katichun yanapashpa rimarka, chincha llaktakuna ashtwan hatunyashpa katichun yanapakushkamanta ñawpakman purichun mañarka.

EG/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador