Kay Comisión de Participación Ciudadana y Control Social tantari Julia Landázuri, Secretaria Técnica de la Amazonía kamachikta chaskirka.
Payka, kay Covid-19 hatun unkuymanta Antisuyu ayllullaktaman, llaktakunaman, runallaktakunaman hampiwan yanapashkata riksichirka.
Kay Secretaría Técnica de la Circunscripción Territorial Especial Amazónica kamaywasi, Ministerio de Salud Pública (MSP) kamachik, kay Gobiernos Autónomos Descentralizados (GAD) kamachik, Antisuyu llaktakunata yanapankapa 7 hunu, 250 waranka dólar kullkita paykunaman kullkita chayachinkapa kamaywasipura shuk yuyarita killkarka.
Shinallatak, chay Secretaría Técnica kamaywasiwan, Consejo Nacional para la Igualdad de Pueblos y Nacionalidades kamaywasiwan ayllullaktaman, llaktakunaman, runallaktakunaman hampiwan mikunawan yanapankapa yuyarita arinirka, chaywan llaktakunaman chayanka.
Chay Comité de Operaciones de Emergencia Nacional, Landázuri kamachik, Antisuyupak llaktakunapika 1338 runakuami Covid-19 hatun unkuyta charin, kunankama 42 runakuna wañushka nirka. Yalli wañushkata charik markakunaka: Pastaza, Orellana, Zamora Chinchipe markakunami kan nishpa riksichirka.
Tayta Álex Hurtado pushakka, kay Planificación Integral de la Circunscripción Territorial Especial Amazónica kamayka, Secretaría Técnica kamachik kamachiy rimashkata katishpa kullkita kushapa, Circunscripción Territorial Especial Amazónica kamaywasiwsan Presidente del Consejo de Planificación kamaywasiwan rimarishpa llaktakunaman paykuna mutsushkata chayachishpa hatun unkuyta harkashpa llankachun ñanta kun, rimarka.
Tantarishka kamachiy killkakkuna, chay Ministro de Salud, Juan Carlos Zevallos kamachik mana chayachishkamanta tsiknirka, payman Secretaría para la Atención de los Pueblos y Aacionalidades amazónicos llankashkata riksichichun munarkanchik nirka. Shinallatak chay Consejo de Planificación y Desarrollo de la CTEA hampita, mikunata Antisuyu llaktakunaman Ministerio de Salud kamaywasi, kiti COE kamachik kullkita kuna hawa willachun munarka.
SV/cz/jc-kichwa
