Kay hatun unkuy punchakuna wawakunata pukllaywan yachay Mamallakta Tantanakuypi alli rikurishka.
Kaykunatami Instituto Interamericano del Niño de la OEA kamaywasiwan, Unicef, WoldVisión kamaywasiwan, Ministerio de Gobierno kamaywasiwan runakuna llankaykuna, yachaykunata rimarka.
Kay zirma llikataka katishpa karumanta llankayka, yachayka, willayaka, riksinaka may allimi kan.
Karumanta yachaykunata chaskishpa, karumanta llankakkunata pushana tukuy paktapakta ruraykunatami rikuchin, shinami paykunapak hayñita, wawakuna taytamamawan wasipi kanata hawaman churan. Kay may alli mutsurikmi kan Franklin Samaniego, Grupo Parlamentario por la Garantía de los Derechos de los Niños y Jóvenes tantarita pushak rimarka.
Tayta, Víctor Giorgi, kay Instituto Interamericano del niño de la OEA kamaywasita pushak, sumak ruraykuna yachakuk wawakuna, imillakuna taytamamawan kimirichun chinyayachinka nirka, chaypimi wawakuna rimanata, pukllanata hawalla ruranka, paykuna sapalla mana kanka rimarka.
Kay Diego Tipán, subsecretario de Seguridad Ciudadana del Ministerio de Gobierno kamachik, mana wawakunapak pukllayta pitinkapa imashina paykunaman yanapanata yachana kanchik nirka. Willana llika, zirmallika mana wawakunapaklla kan, tawka mayhanpash riksinata, yachanata, willanataa charin, mana wawakunapaklla kan nirka.
Kay Patricia Falconí, Universidad Indoamérica yachanawasipi yachachik, payka karumanta willayta achkata yachachmi kashka, hatun unkuy purik punchakunaka karumanta yachana, karumanta llankana, karumanta yachashpa, rantishpa katushpa kullkita mirachina may alli kanka. Kay TIC sumakruraywan yachanata, allikawsayta charinata, tukuylla willaykunata charina hayñita kun, shina allikawsayta harina, llankayta charina kachun yanapan.
RSA/cz/JC-KICHWA
