Kay virtual 086 niki rimanakuypi, Justicia Minkarishka, Ximena Peña Pacheco kamachi killkak pushakuk, Andrés Padilla runapak ayllukunata shinallatak afro tantanakuytapash chaskirka, paykunaka David Velasteguí runaman amnistía kichpichiy chayachina mana paktana kan nirkami. Kay rimanakuypika José Chalá kamachi killkak, Imbabura markamanta runapash chaypi karka.
Genoveva Padilla Delgado warmika nirkami, paypak turika 23 puncha karwal killa 2018 watami wañurka, chapakkunami yallitak llakichirka. Ñukanchikka llakichinata mana mashkakunchikchu, sashtawanpash kay progresivo de la fuerza kamayta mana pakta rikushpa shuk aylluta washmana illapawan tukyachishkatami kamay paktachun hayñita rikuchin mañakunchik, ninmi.
Kawsaypak hayñi charishkata mitsachunmi mashkakunchik, kay hayñika Declaración Universal de Derechos Humanos kamaypi shinallatak ñukanchik llaktapak mamakamachiypimi tiyakun, ninmi.
Kamaymanta chikan wanachishka.
Chaykamaka, Kimberly Minda Borja warmi, Mujer Afro Ec tantanakuymanta shinallatak Coordinadora de la Red de Juventudes Afrodiaspóricas de América Latina y el Caribe tantanakuymanta; shinallatak, Jaqueline Gallegos warmi, kay Colectivo AfroComunicaciones tantanakuymanta, nirkami kay 70 % afro runakunami wakcha kawsanchik, punchantami chikanyachishpa, millashpa, llakichishpapish kawsankuna.
Mamakamachiyka achikllatami kay derechos colectivos kamayta riksichin, kunanpunchakama pakta ushayta charinaka mana chayanchu. Shinaka kay Andrés Padrilla runapika kamay chikan wanachiymi tiyan, llakichik ima llakipi urmashkata mana riksichishpa kay amnistía kishpichiyta chayachishpaka derechos humanos kawsayta wakllichiymi tiyanka.
José Chalá kamachi killkakpash kay rimanakuyman chayarka. Kaypika chapak runawan shinallatak tantanakuywan chimpapuray mana kanchu, ashtawanpash kamay chikan wanachiy tiyashkata rikunami paktan shinallatak David Velasteguí runata wanachinapak yuyarishkapash tiyan, nirkami.
Shuktak ruraykuna
Ximena Peña kamachi killkak, Minkarishkata pushak, shamuk punchakunami minkarishkaman 15 willaykamuta chayachishun tukuykuna riksichun, kay taripay imashina paktakushkata rikunapak, kay amnistía mañaykuna San Pedro de Cañar llakta pushak, shinallatak justicia indígena paktachishkamantapash.
MG/cz/cg-kchw
