Petroecuador pushakkuna kay Refinería de Esmeraldas llankay wasi wayra mapayachishkata willanka

Martes, 09 de junio del 2020 - 16:09 Imprimir Elaborado por: Sala de prensa

Kay Fiscalización y Control Político Minkarishkapi, Johanna Cedeño Zambrano kamachi killkak pushakushkaman kaya chillay 10 puncha, raymi killami Petroecuador llankay wasita pushak, Pablo Flores, shinallatak Refinería Estatal de Esmeraldas tantanakuyta pushak superintendente chayamunka, kaypimi kay llakta ayllukuna huchachishkata kutichinka, llaktayukka ninmi wayrapimi achka ashnak rikurishka, kay ashnak wayraka infraestructura petrolera wasimanta llukshikun, Waylla markapi sakirin, ninmi.

Kayshina willayman chayamuchunka Carmen Rivadeneira Bustos kamachi killkak Esmeraldas markamanta warmi kayachirka, payka tawka tapuykunatami llankay wasi pushakkunapak chayachishka, kayshina, kayshina ashnak wayra imamantatak rikurikun; kay llankay wasipi imalla harkarinata churashka; imanishpatak kashna llaki ashnakta mana hakay ushashka; imashinatak kay 7 puncha ayriwa killakama llankay paktamushka; shinallatak, ashtawanpash, allichishka kipapish, llankay wasika 63% patsak llankaymanlla chayakun.

Shinallatak, kay llakikunata allichinapak imalla yanapayta chayachishkata riksinata munanchik nin, kay llakika hampinapi, Esmeraldas marka ayllukunapak kawsaytapashmi wakllichishka, ima pachapitak kay llakita allichinapak shuyakun shinallatak, kay ima allichina churashkata riksichichun, shuktak ruraykuna paktashkatapash rikuchichun willachunami kayachishka; kay Refinería Estatal de Esmeraldas llankay wasi imalla llaki tiyakpi llankashpa katinapak ruraykunatapash churashkata willachunumi mañan.

Kay rimanakuyka Nº 101 Fiscalización y Control Político Minkarishkapak llankayka 15H00 pachapakmi kayachishka.

EG/cz/cg-kchw

Av. 6 de Diciembre y Piedrahita · Teléfono: (593)2399 - 1000 | Quito · Ecuador