Kay Petroecuador, Pablo Flores kamachik, chay Comisión de Fiscalización y Control Político tantariman sapa kimsa killa Refinería Estatal de Emeraldas mapayachikta willankapa arinirka, shinami Provincia Verde markamanta willanka.
Kaytami Ingeniero Flores kamachik arinirka, Fiscalización tantaripi, Johanna Cedeño Zambrano kamachiy killkakkunapak ñawpakpi arinirka.
Punkara llankakwasika Sistema Nacional Interconectado (SNI) pitirikpimi waksi llukshishpa mapayachirka nishpa willarka, chay llakikunamantami sarun aymuray killa 14 punchamanta 61 % patsakrimanta, 63 % patsakrikama llankayta urayarka nishpa willarka.
Kay Petroecuador llankakwasi, waksiwan mapayachishkata ashayachishkata willashka kipa, imashina kutintak punkara llankayta hatunyachinata willaka, chay Azufre kapukta wichiyachinata willanka, mushuk Turbo 4 mankata shayachinamanta riksichinka, kay Termoesmeraldas II llankawasiwan llankaykuna katinata willanka .
Shuktak manyamanta rimashpaka, Comisión de Fiscalización tantari, kamachiy killkakkunapak 10 apuchiwan, kay José de la Torre Prado, Roberto Barrera runakunpak llakita taripashkata arinirka, paykunaka Estados Unidos llaktapimi wichkana wasiman pushashka karka.
Mamallaktapak kullkita shuwashkamanta charirishka karka, chay runakunaka Contralor General del Estado kamachik Mamallaktapak kullkita kamaypi, llankaykunapi mana kimirishka kakta willarka, shinami chayta rikuk kamachikkuna katinka, rimarka.
EG/cz/jc-kichwa
