Juan Carlos Zevallos, Llaktapi hampinata pushak, kay Gobiernos Autónomos Minkarishkapi willayta kutinpash chayachishpa nirkami, kunanpika Unidades de Cuidados Intensivos (UCI) hampina wasita, hampikkunata yachachiyta shinallatak hampikuna mashkaytami kay Quito, Pichincha markapi ayllukunata yanapankapak llankakunchik, nirka.
“Manabí llaktapipash yachakkuna llankakun, Yachay wasipipash Alemania llakta yachakkunawan karkani paykunawanmi pandemia unkuyta imashina chimpapuranata rimanakurkanchik; kullkiwan llankayta ñawpakman apanapakka llaktakunata chikan chikan riksishpami yanapayta kallarirkanchik”, ninmi.
Shinallatak Héctor Yépez, Wilma Andrade, Andrea Yaguana, Byron Suquilanda, Javier Cadena, Mónica Alemán kamachiy killkakkuna, shinallatak AME tantanakuyta pushakpash taripashkata kutichishpa ministro runaka gobiernos autónomos pushakkuna pakta llankashkatami riksirirka llakta pushakwanmi makipurashpa llankakunchik, kitikunapi pakta yanapayta chayachinkapak, kay Covid-19 unkuy mashna llakichishkata rikurashpa yanapankapak, nirkami.
Shinallatak kay PCR unkuy riksinata imashina kay Carchi y El Oro markakunapi paktachishka tapuytapash kutichirka,ashtawankarin
Gobiernos Autónomos Tantanakuypak llankay
Raúl Delgado runaka yuyachishpa nirkami municipios tantanakuykuna mamakamachiy rikuchishkata shinallatak Cootad kamachiy rikuchishkata chikanmi llankashka, Ecuador llakta ayllukuna kay unkuy llakipi ancha mutsurishkamanta, Llakta pushakka 834 hunu dólar kullkitami kay tantanakuykunaman manarak chayachishka, ninmi.
Delgado runaka Mamallakta Tantanakuypak Minkarishkakunatami kay Cootad kamachiyta mushukyachichun mañarka, kay unkuy llaki rikurishkata pakta riksishpa kamachiypi rikurichun allichinapak mañarka.
LLankaywasita mushukyachina
LLaktapi hampinata pushak runaka circuitos yanapaymi hatun llaktapak llankapi paktarikun, chaypika, shinapash, distritos shinallatak llankay wasikuna pakta sinchiyachunmi mushukyachinata mashkana kan. Kunanka 9 unidades zonales tantanakuy, 88 unidades distritales desconcentradas shinallatak 43 yachay wasikunami sakirin. Kayshina llankaywanka tukuy kitikunami yanapayta chashkikun, nirkami.
Puchukaypi, Byron Suquilanda kamachi killkak kutinpash mañakushkamanta tukuy mañaykunata tantachishpa kutichinapak sakirirka shinallatak allichinapakpash arinirka.
Hampina wasikunapi llankay
Minkarishkata kipapushak, Wilma Andrade, kay ministro de Salud Pública pushak chayamushkata riksirirka, Ecuador llakta ancha llakipi kawsakukpimi pushanaman yaykurka nirka, llakika kullkimanta, hampi kawsaypash mana pakta kashkamantami karka. Shinallatak, ministro pushak runata mañarkami kamachi ayllukuna kay hospitals hampina wasikuna pushakukpak shutita chayachichun.
AM/cz/cg-kchw
