Kay Comisión del Derecho a la Salud tantari, chay Deporte, la Educación Física y la Recreación Hatun Kamachiypak nikikunata allichishpa ushan.
Shinami kallari atinakuypak allichishkata charinka. Kunanpika runa llaktakupi pukllanamanta, yachaypak kullkita kuna, ukun kuyuchinata yachana, ñawpa pukllaykunata tikrachimuna, samarina rimanakuy karka.
Shinami Tantarita Kipapushak, Michell Dument kamachiy killkak, hatun pukllakkuna chukririshpa llakitukukpi, tisiku tukukpi kullkiwan yanapanaka paktakaymi kan nirka. Kay kullkitaka Mamallakta hatun kullkimantami shamuna kan, chaytami watapi kulli tukuchinata churana urmanka, rimarka.
Tisikun runata hamipikkunaka kay Agencia Mundial Antidopaje rimashkata mana paktachikpika, huchata chariktami rikuchinka, muspachik hampikkunata upyana, millpunataka harkashkami kan nirka. Pantarik, llakita rurak pukllakkunataka chay Agencia Mundial Antidopaje churashkawan wanachinatami rikuchin.
Pukllaykunamanta rimashpaka, runa llaktakunapi Educación Intercultural Bilingüe yachanawasikunapi ñawpa pachapi runa llaktakunapi yachashka samarinakunata, pukllaykunata yuyarishpami ruranka, José Agualsaca kamachiy killkak mañarka, purinakuna, kallpanakunata rurana nirka, chay Carlos Vera kamachiy killkak Ministerio de Educación kamaywasipak pukllaykuna mirarichun yanapanata charin nirka.
RSA/cz/jc-kichwa
