Kay Comisión de Biodiversidad tantari chay San Rafael llaktapi allpa tuñirishpa chawa punkara apana Oleoducto de Crudos Pesados (OCP) tukuta ayriwa, 7 puncha, 2020 watapi wakllichishkata rikunka.
Chay Sistema de Oleoductos Transecuatoriano (SOTE) llankaytapash rikunka, chapanka.
Shinallatak Shusufindi-Quito tutupash wakllirirka hatun kamachikkuna alli tikrachishka willayta riksirka. Chay llakikunata rikushpa shuktak mushuk ñanta mashkakushkata riksichirka.
Mushuk ñanka, chay Orellana-Sucumbíos llaktakunamanta, Mamallaktapak chawpi llaktaman shamunka, chayka Loreto-Baeza-Quito llaktakunaman chayamunka, chay ñanka ñami allichishka kan.
Kamachiy killkakkunaka, chay Ministro de Transporte y Obras Públicas, José Gabriel Martínez kamachikkta shuktak mushuk ñanta mashkana mutsurikta yuyachishpa rimarka, chayka: Lago Agrio-Quito ñanta, Cascada de San Rafael ñan manyata sakirin, chay ñantami Coca mayu huntashpa tuñichin nirka.
Tantarika, chay Ministerio de Energía y Recursos Naturales no Renovables, René Ortiz kamachik willashkata uyashka kipa. Central Hidroeléctrica Coca Codo Sinclair punkara apana ñan kutintak wakllirinata riksishpa, chay mushuk ñanta rurana hatunllankay pankata tantariman chayachishkata katishun nirka.
Kay tantariman chayashka pankata allinta rikuchun kamachiy killkuna rimarka, ashtawankarin mayu ukuta, yaku ukuta, yaku ñawi ukuta allpata allkukpi llakikunata tiyanata ashtawankarin rikushpa katichun rimarka, ama llakikuna tiyachun mayhan sumak rurak yachakkunata katishun, imashina kullkita tukuchikushkata rikuchun rimarka, Ecuador llaktapi kawsak runakunapak kakpi katichun nirka.
JLVN/cz/jc-kichwa
