Kay Grupo Parlamentario por la Defensa de los Derechos de los Trabajadores Tantanakuy, llaktapak llankay wasikuna chinkarishkamanta tawka ñawirikunapika, Ministro de Energía y Recursos Naturales No Renovables tantanakuyta pushak, René Ortiz runata chaskirka, payka, imashinalla kay Covid-19 unkuy llakipi paktashkatami rimarirka, kullki llankaypi, mintalaypi, shinallatak chanikunapipashmi wakllirishka rikurin, nirka.
Kay Petroamazonas, Corporación Eléctrica del Ecuador (Celec) shinallatak Petroecuador tantanakuyta pushakkkunapash mashna llankakkuna llukshishkatami riksichirka, shina willaytaka Patricio Quintero, Manny Castillo y Leonardo Méndez llankakta pushakkuna tapushkamantami kutichirka.
Kayshina rimanakuypika, Juan Carlos Bermeo runa, Petroamazonas hatun llankay wasita pushak, kay llankayka llankak runakunamantami tukuy shamun, chaymantami kallaripika paykunapak kawsayta ukllanami kallaripika kan.
Llakta llankakta ashayachinapika, 590 llankaktami anchuchishkanchik, kaypika 13 hunu dólares kullkitami watapi wakichishka, shinallatak 48 llankaktami sinchiyachishka. Kunanpika 6800 ayllukunami llankakun, shinallatak 4800 llankakun, ninmi.
Chaykamaka, Gonzalo Uquillas runa, kay Celec tantanakuymanta 57 llankaktami anchuchishkanchik, ashtawankarin llankakunami paykunapak munaymanta anchurinapak yuyarirkakuna, shinallatak kay llakipunchakunapi kullkika 180 hunu dólares kullkipashmi ashayarka.
Puchukaypika, Pablo Flores runa, Petroecuador tantanakuymanta, kay llankay wasimantaka 79 llankak ayllukunatami nombramientos provisionales charikkunata shinallatak 25 llankakuna tawka watakunata achka kullkiwan llankakukta anchuchirkanchik; kunanpika 3771 llankakunami tiyan.
Liliana Durán, rimanakuyta puchukanka ñawpa, llaktapak tawka llankay wasikunapi llankak ayllukunapak kawsaytami sinchiyachina kan, chaypakmi tawka llankayta allichikunchik, kay killkatami kamachi killkakpak makiman chayachishun.
AM/cz/cg-kchw
