Kay Subcomisión de Fiscalización tantari, Jimmy Candell Soto pushashka llankamun.
Chay hospital de Pedernales hampina wasita rurashkata taripankapa, Ministro de Transporte y Obras Públicas (MTOP), Gabriel Martínez kamachikta kayarka.
Kay Namallaktapak kamachik paylla llankayyuyarita tukuchinkapa kallapakun, chay llankay, kullkipash Mamallaktapak makiman rinka nirka.
Shinami chay llankayyuyarita charinkapa mushuk ñanta ruranka, chayka Cuerpo de Ingenieros del Ejército kamaywasiwan llankay yuyarita ruranka, kipaman paktachinka.
Chay Consorcio Pedernales Manabí, José Leonardo Belisario, Johny Toalá Hidalgo pushashka, panchi killa, 13 puncha, 2020 watapi llankayyuyarita killkarka, kayta paktachishpa pawkar killa, llankayta kallarishkata willarka, chay llankayta Covid-19 unkuymanta shuk killa chawpita samarishkata willarka, aymuray killa 1 puncha, llankay kallarirka, 360 punchapi tukuchinka.
Kay llankayyuyarika 16 hunu 429 waranka dólar kullkita charin, chay kullkimanta pusak hunu 214 waranka dólar kullkita llankakman ñawpashpa charichishkata willarka, kunankama 329 waranka chani kullkita tukuchishkata llankay rikuk kamachik willarka.
Kay Gabriel Martínez kamachik, 821 waranka 475 dólar kullkiwan llankayta llankanata arinishkata, Compañía Confianza llankakwasiwan paktachinka willarka, shinami pusak hunu 214 waranka dólar kullkiwan llankashkata riksichirka, BanEcuador kullkiwasipi, chayrak 892 waranka kullki, aymuray killa, 28 punchakama tiyan nirka. Shinami llankaykunaka punchanta ñawpakman alli kallpakun nishpa riksichirka.
EG/cz/jc-kichwa
