Mamallakta Pushak, Lenín Moreno Garcés Mamallakta Tantanakuy hatun willayta kacharka.
Chayka Covid-19 hatun unkuymanta Mamallaktapi hatun llaki tiyashkatami willan, kay llakimanta runakunaman kullki llakipash tiyan, chaytami riksichin.
Kay hatun willaytaka, Namallaktapak Mamakamachiy 166 nikipi rimashkata hapishpa rurarka.
Kay churashka kamachiy panta kakpika Mamallakta Tantanakuy chuskuchunka pusak sayllapi anchichinata ushan, Mamakamachiywan taktarikpika Corte Constitucional kamaywasipash anchuchinatami ushan.
Mamallakta Pushak churashka kamachiytaka chay Covid-19 hatun unkuy ama runakunata hapichun, Mamallaktapak kullki ashayarikpi harkankankapami churarka, churashka kamachiy llankaykuna, kullki kutintak mirarichun yanapanka, Mamallakta pushak rimarka.
Kay churashka kamachiytaka Ministerio de Salud Pública kamachikwan, Servicio Nacional de Gestión de Riesgos y Emergencias kamachikwan yuyarishpami churarka. Kay Comité de Operaciones de Emergencia Nacional kamaywasimi ima pachakama purina, tantarina, katuna sayllata churanka, shinallatak kitikunapi purina, llankana sayllatapash rikunka. Shinami 60 punchakama kay kamachiyta harkanka.
AM/cz/jc-kichwa
