Mamallakta Tantanakuy Apoyo Humanitario para Combatir la Crisis Sanitaria Derivada del Covid-19, kamachiypak chawpi nikikunata arinirka.
Kay kamachiytaka kullki tikramuchun utka kamachiy kakpimi ñapash achka kamachiy killkakkuna arinirka.
Mamallakta Pushak, Lenín Moreno kachashka 32 rikuykunamanta 22 nikikunata 69 apuchiwan arinirka, kutin 10 nikikunataka 116 apuchiwan kamachiy killkakkuna kutintak arinirka. Ishkay tatkipi kamachiy killkakkunaka atinakurka.
Kay allichishka kamachiyta allichik Comisión de Desarrollo Económico, Esteban Albornoz kamachiy killak, kamahiy killkakpura ariniwan achka atinakuykuna tiyarka nishpa willarka, llaytay yuyakuna mana tiyarkachu nishpa rikisichirka. Kutin César Litardo Caicedo, Mamallakta Tantanakuyta pushak, Mamallakta kullki wiñarichun kamachiyta mutsurka nishpa shayarirka.
Kamachiy killkakkuna 3 nikita arinirka, yachaymanta kullkita kunamanta 25% patsakrita urayachirka. Shnallatak 10 nikiwan shukpaklla tarpuyta, chaypi kullki mirarichun, llankaykuna tiyarichun yanapanka, 16 nikiwan llankaykuna ama chinkarichun yanapanka, 17 niki, yuyarikkuna mana paktachikpi wanachinkapa ñanta kun.
Shjinallatak 19 niki akllashka llankayyuyarita rurankapa yanapan, 20 nikipi llankana sayllata urayachinkapa, 27 niki manarak llankayman mishanakuchun ñanta kun, 20 nikiwan sapi yuyaykunata charin, 30 niki akllashka llankay mishanakuy kachun mañan, 33 nikiwan kutintak llankay kawsarinka, 34 nikiwasn kullki mañachinamanta punkuta paskan.
Antinakuy pacha kamachiy killkakpura kayanakurka, chayka llaktay tantarikunaman kimirishpa kashpapash manyaman sakishpa kamachiypak nikikunata arinichun mañarka, llaktayukkuna mikuna kapukkunapak chanikunata chapachun mañarka, llankaykunata ama chinkachichun, tiksi mitachikunapak chanita ama wichiyachichun arinina nirka.
Mamallakta pushak anchuchishka nikikunaka, chay Concordato Preventivo Excepcional y Medidas para la Gestión de Obligaciones churaywan kimirin nirka, Mamallakta Pushak churashka nikikunaka alli llankaykuna, kullkikunapash mirarina ñanta harkanaman kimirirka, kipaman ashtawan llaki tiyanata rikushpa mañayman churarka. Kay mushuk Apoyo Humanitario para Combatir la Crisis Sanitaria Derivada del Covid-19 kamachiyka kipa punchakuna chay Kamachiy Kipupi killkarishpa llankayman llukshichun mañarka.
SV/cz/jc-kichwa
