Kay Grace Unda, Galápagos llaktamanta chalwakkunapak shutipi, Galápagos kamachiyta arininka shuyachun mañan.
Chayka: Copesan, Copes Proma, Copropag, Copahisa tantarikunami kan, paykuna Comisión de Biodiversidad karwa killapi Régimen Especial de la provincia de Galápagos Hatun kamachiyta allichishpa chayachinkapa shuyachun mañarka.
Kaytaka Comisión de Biodiversidad karumanta chalwaymanta, purinamanta rimankuypimi shina mañayta chayachirka.
Kamachiy ashtawan allichirichun llaktayukkuna yuyayta churachunmi Grace Unda kamachiy killkak mañarka, kamachiyta kallari atinakuyta rurakukpi shina churarka. Mana alli rurakpi sinchi wanachikunatapash rikuna kanmi nirka.
Kay rimanakuypi Brenda Flor kamachiy killkak, Galápagos markamanta llaktayukkuna, runakuna, tantarikuna kamachikkuna Comisión de Biodiversidad tantaripak rimanakuyman chalwakkuna, purichikkuna shamushkamanta achkata yupaycharka.
Kay Galápagos kamachiyka warmi kamachiy killkakpak yuyaymanta shamushkami kan, payka Brenda Flor shutimi kan, wayta llaktamanta shamuk kamachiy killkakmi kan, tawka runakuna, tantarikuna llaktayukkuna yuyayta kushkamanta hapishkami, kamachiyman yaykurirka, chaytami Mamallakta Tantanakuy kallari atinakuypi atinakunka.
Kay Kamachiyta ishkaykutin atinakunkapa yuyaykunata wayta suyu runakuna churachun Consejo de Administración Legislativa (CAL) kamachikkuna shuyashun nirka, karwa killakama munashka yuyaykunata, nikikunata allishkata Comisión de Biodiversidad tantari hapinka, kipaman Mamallakta Tantanakuy atinakuchun churanka nirka. Shinami Galápagos Kamachiy alli killkarinka nishpa yuyayta churarka.
JLVN/ea/jc-kichwa
