Mamallakta Tantakuyta pushak, César Litardo Caicedo kamachik, 673 yupay hunta tantariman kayarka.
Paykunaka kaya chishi karumanta rimanakunka, chaymanta 15h00 sayllata kallarinka, chaypi tukuykuna atinakunka.
Chaypimi, Caso Mendoza yallik kamachiy killkak hawa, Consejo de Administración Legislativa (CAL) imashina arinishkata riksinka, chay Tanlly Vera, Verónica Guevara kamachiy killkakkuna, chay Mendoza yallik kamachiy killkakta huchachishkata rikunka.
Paytaka Mamachiypak 127 niki, 2 yupayta pakishkamanta huchachirka, shinallatak Función Legislativa kamachiypak 163 niki, 2 yupayta pakishkamanta huchachirka, shina Presupuesto General del Estado kullkita yanka hapishkamanta wanachishkan kanka.
Kay huchata katinkapa Comisión Multipartidista de Investigación tantarita wiñachinka, chayka 3 kamachiykunami minkashka shayarinka, paykunami imamanta huchichina, imashina wanachina ñankunata mashkanka, chaytami chunka (10) punchakama Mamallakta Tantanakuyta pushakman chayachinka, shinami Función Legislativa kamachiypak 164 nikipi rimashkata paktachinka
Kay rimanakuypi, Ministro de Energía hatun kamachikta chaskinka, payka Planificador del sector Eléctrico y Presidente del Directorio de la Agencia de Regulación y Control de Electricidad kamachikmi kan.
Payka zirma llankay maruta, zirma rupashkamanta kullki hapishkata, kay Covid-19 hatun unkuy punchakuna alli tukuylla mitachita Ecuador llaktapi kawsak runakunaman kushkata willanka. Hatun kamachik willachunka Héctor Yépez kamachiy killkak, Comisión de Gobiernos Autónomos pushak mañashkami karka..
Rimanakuy tukuripika, kay Código Orgánico para la Protección Integral de Niñas, Niños y Adolescentes kamachiyta kallari atinakuyman richun rimanakunka, kay kamachiytaka Comisión Ocasional de Niñez tantari pushak, Encarnación Duchi kamachiy killkak allichishkami kan.
MG/cz/jc- kichwa
