Kay Comisión de Justicia tantarita pushak, Ximena Peña kamachiy killkak, kay chilla pucnha Para la Prevención y Combate del Contrabando y Defraudación Aduanera de Mercancías kamachiyta kallari atinakuyta pusharirka
Kipaman alli kamachiy killkarichun rikurishka 230 rikuykunata paykunaka churashka, chayta katina kan.
Chaykunata katishpa maypimi allichinata tarinka, chaytami minkashka patakuka kamaywasikunawan tantarishpa ashtawan ukuman nikikunata allichinaka, wakin mana alli nikikunata anchuchina tukun.
Kay 095 yupay rimanakuypi, chay Organización Mundial de la Salud (OMS) yuyayta churashkata chaskirka. Chaypi Adriana Blanco Marquizo, Secretariado del Convenio Marco de la OMS para el Control del Tabaco kamachikka, shayri tsunkanata anchuchinkapa shuk yuyari tiyan, chayta paktachina nirka. Shayri tsunkanaka tukuy allpapachapi hatunmi kan nirka.
Tawka yachakmanta, Marco Carrión, Cámara Nacional de la Pequeña y Mediana Empresa del Ecuador (Canape) llankakwasimanta shamuk, kitikuna, Kikinllatak Karupi Llankak kamachikkuna chay pakalla shuwashkata anchuchina, wakllichinka, apanata ushayta charichun mana yuyaywan karka, paykunaka chayta rurankapa hillaykunata mana charin nirka.
Tayta, Milton Altamirano, Asociación de Confeccionistas Textiles (Acontex) tantarita pushak, pakalla apashpa katunaka Mamallaktapak llankayta wakllichinka nirka, runakunata mana alli llankayta yachachin, mintalanata harkan, churashka kullkita mana yaykuchin, shina Mamallaktaman kullki yaykurichun mana sakin, rimarka.
Tukuchinkapa, Fausto Ordóñez Almeida, Centro Interamericano de Artesanías y Artes Populares (Cidap) pushak kamachik, tawka waranka pakalla apaykunami ayllullaktamanta, uchilla llaktakunamanta llukshin nirka, chaymi llaktakunapi kawsak runakunapak mashiyarinata, tantarinata, wankurinata anchuchin, kawsaytarpuyta wakllichin nirka.
MG/cz/jc-kichwa
