Kay 674 niki rimanakuy, wanra 2 puncha sitwa killa 2020 watapi, Mamallakta Tantanakuy, Javier Mauricio Torres Maldonado runata, kay Consejo Nacional Electoral tantanakuypak kimsa niki katik rimarikta shina llankaypi kallarichin, Consejo de Participación Ciudadana y Control Social tantanakuymi akllarka, kay yallik 4 puncha pawkar killa.
Mamallakta Tantanakuypak shuk niki kipapushak, minkashka pushakushpa César Solórzano Sarria pushakmi llankaypi paypak arinishkata chaskishpa shutichik killkapi shuti ashpichishpa llankaypi kallarichirka, shinallatak llankaypi kallarik runaka mamakamachiyta, shuktak kamachiytapash rikurashpami llankasha nirkami.
Torres runaka kay oposición chimpapuraypimi yuyaywan mirarirka, shinaka Consejo de Participación Ciudadana y Control Social tantanakuymi kay mishanakuypi yalli iñukunata paktakta akllarka, shinallatak kari warmi pushakkuna paktarinapak rikurashpa.
Llaktapak llankak runaka kay Consejo de Participación Ciudadana y Control Social (CPCCS) tantakuy shuk kamak willaywan kimsa niki katik rimarik sakirinapak arinishka kipami llankaypi Ezequiel Morales runapak ranti sakirin, pay runaka Mamallakta Tantanakuyman pushayta chaskinaman shuti aspinamanpash kay sasi killa 2018 wata mana chayamurka.
Kay llankay willaypika, “yallishkami” Morales runata shutichina killka shinallatak kay Ley de Servicio Público kamachiypi kimirishpa hayñita ñawirina pachapash yallishka, kaypika chunka pichka punchakuna ukupi llankayta kallarinapak arinina ninmi. Chaymantami kay CPCCS tantanakuyka Mamallakta Tantakuyman yuyarinakushka killkata chayachirka, llankaypi kallarichichun.
Kipa katik rimarik runakunaka Mérida Nájera, Andrés León, Javier Torres Maldonado, María Cristina Kronfle shinallatak Mónica Noriega kanmi.
Torres Maldonado runaka, Mamallakta Tantanakuypi shuk niki llankakmi virtual llikapi llankayta chaskin, kay pandemia unkuypi kashkamanta.
RSA/cz/cg-kchw
