Kayna chishiman Mamallakta pushak Ordenamiento de las Finanzas Públicas kamachiyta chawpita allichishkata Mamallakta Tantanakuy atinakurka, kay kamachiyka kullkita charinka utka atinakuna ñawitami charin.
Mamallakta pushak kay Seguridad Social kullkita, Gobiernos Autónomos Descentralizados (GAD) kamaywasipak kullkita sumaycharka.
Mamallakta Tantanakuypi 65% patsakrimi alli karka, chayta mana shitashka, 35 % nikikunami 16 rikuykunata hapirka.
Chay atinakuypika 12 kamachiy killkakkunami rimayta charirka, paykuna Mamalklata Pushak allichishka nikikuna hawa rimarka.
Mamallakta Tantanakuyka kay Kamachiyta tukuyllapak kullkita nikishpa ima mutsurikpilla tukuchichun yanapan nirka. Shinallatak Ecuador llaktaka FMI, BMI, CAF kullkiwasikunamanta kullkita apamunkapa yanapanka nirka.
Tayta Franco Romero kamachiy killkak, Comisión de Régimen Económico tantarita pushak, Ordenamiento de las Finanzas Públicas kamachiyta tukuykuna minkashka tantaripi, Mamallaktapak Tantanakuypak hatun rimanakuypi achkata atinakushka, yuyaykunata churashka kamachiymi kan.
Arininkapa atinakuypika 47 kamachiy killkakkuna arinishpa apuchirka, 52 kamachiy killkakkuna mana nirka, 3 kamachiy killak yurakpi apuchirka, 31 kamachiy killkakkunaka shuyaypi apuchirka. Chaymanta kamachiyta arininka apuchikuna mana paktarka, shinami sakirin.
Mamallakta Tantanakuy apuchita paktachishpa mana arinikpika, Mamallakta Pushak arinishpa Kamachiy kipaman kachanka, chaypi Para el Ordenamiento de las Finanzas Públicas kamachiyka, Ministerio de la Ley shutiwan killkarinka, ñawpakman Mamallaktapi llankayman yaykurinka.
JLVN/cz/jc-kichwa
