Kay Código Orgánico de la Función Judicial kamachiyta mushukyachishpa, Comisión de Justicia tantari, paypak 096 yupay tantaripi, Educación Superior kamachikkunata chaskirka.
Shinallatak, Ana Belén Marín kamachiy killkakta chaskirka, kamachiy yachakkunata rimanakuyman chaskirka.
Kay Ana Belén Marín kamachiy killkak, payka Cotopaxi markamanta kamachiy killkakmi kan.
Payka Servicio Público (Losep) kamachiy arinishka pashpa llankayta hapishka, kipaman mana nishpa anchurishka llakita imashina allichinamanta rimarka. Shinallatak yachakkuna llankayman mishanakushpa, alli kakta rikushka, mana nishka yaykurichun akllay hawa rimarka,
Kay Defensor Público kamachik tukuy arinishkata tukuy llaktakunaman, runakunaman riksichishka kachun mañarka, chay Chile llaktapi shina huchata rikuk ukuta wiñachichun mañarka, chay kamachiywan huchawan kimirik llakikunata pushachun nirka.
Kutin, Juan Manuel García, Consejo de Aseguramiento de la Calidad de la Educación Superior (Caces) pushak kamchik, Alexandra Navarrete, Secretaría Nacional de Educación Superior Ciencia, Tecnología e Innovación (Senescyt) kamachik, kay Sistema de Educación Superior hawa rimarka, payka chaykaman: sumakyachanawasi, tawkasamiruray hatun yachachawasi, sumakrurak yachanawasi, alli yachayta, yachaypankata kunka nirka.
Kaykunata allita rikushpa, chay Escuela de la Función Judicial kamaywasi chusku pata yachashka pankata kuchun harkarka, ashtawankarin Mamallaktapi Educación Superior yachanawasikunawan kimirishpa, yanapapshpa llankachun mañarka, shina kakpi imatalla yachachinata riksichina nirka, yachakukkunaman alli yachayta hapichun tantarishpa llankana nirka.
MG/cz/jc-kichwa
