Kay Fiscal General del Estado tantanakuyta pushak, Diana Salazar warmika, kay virtual rimanakuyman Ocasional de Enmiendas Minkarishkaman chyashpa, nirkami Fiscalía tantanakuyka kamayta paktachinapak, achiklla ruraykunata charinapak, wakinpika ama kunkarinkapakka kikin llankaytami charina mutsurin, nirkami. Shinallatak mamakamachiy rukuchishkawa kay Código de la Función Judicial kamachiywan dicotomía tiyan kaymi pakta llankayta harkana shinallatak shuktak kanchamanta ñawinchinata shuyana, nirkami.
Kay kunanllapak Minkarishka, Llaktapi llankakta kayachirka paykunapash kay Comité por la Institucionalización Democrática tantanakuy Fiscalía General del Estado tantanakuy Función Judicial tantanakuymanta chikanyachun mañashkaman; shinallatak, kutinpash. Mamakamachiy mushukyachinapak yuyaykunata chayachichun, Fiscal pushak akllarinapakpash ashtawan mañaykunata churachun, shinallatak kayman yaykuna munakkunaka llaktapak llankaypi mana kay puchukay 10 watakunata mana kashka kachunpash.
Willaypika, Diana Salazar, paypak rimashka mana Fiscal shutipichu, ashtawanpash kay llankana wasipi llankakkuna yuyashkatami riksichini, pushakkunaka ashalla pachapakmi nirka. Mamakamachiypak killkamanta rimarka, kaypimi, wakinpika, Función Judicial tantanakuy kikin llankaywan nishpa rikuchin, mana chashnachu, ashtawanpash Consejo de la Judicatura tantanakuymi hawaman kan. Kay shina, Fiscalía tantanakuymi wata llankana kullki rikuchiyta chayachina kay Función Judicial wata llankana kullkipi kimichichun, ninmi.
Kayshina rikukpika dicotomía paktaymi mamakamachiypi tiyan, ashtawanpash kay Judicatura tantanakuyka “llaktapak llankak, pushak, chayaparak shinallatak Función Judicial tantanakuypak wasi” nisha willan, kaywanka Fiscalía tantanakuy Judicatura tantanakuymanta mana chikan kashakata rikuchin.
Diana Salazar warmika tawka yachaykuna Comisión Interamericana de Derechos Humanos shinallatak ONU tantanakuy rurashka, kikin llankay illanmi nin shinallatak fiscales kamakkunapash llakichishkata ñawinchinapi katinapakpash mana pakta yachayta charin, kayshinamantami América Latina suyu llatakunapi ñawinchiyta kunkarishka rikurin, kaypimi Fiscalía del Ecuador tantanakuypash kan, ninmi.
Kikina llankay ancha mutsurin llakichishkata achikyachichun mañak runakuna kamayman paktachun, shinallatak kamay paktachun rikuchishkata sumaychachun, taripachun, ñawinchiy paktachunpash ashtawankarin llakta kay llakikunata pakta ñawinchiyta pushachunpash, wakinpika kamayman chayachishka taripashpa wanachishka kachunpash. Chaymantami, fiscales runakuna fiscalía tantanakuykunapash kikin llankayta charinaka tutela judicial efectiva shutiyan shinallatak kamay chikanyashkaman yaykuchunpash.
Shuktak yuyaypika, llaktapak llankak warmika mamakamachiy mushukyachinapi Fiscal pushakta akllanapak ashtawan mañaykunata mirachina nirka, shinaka kayman yaykunapak mashkakuk runakuna kay puchukay 10 watata llaktapak llankak ama kashka kachun. Kayshina rikuyka, llankay wasi kikimanta pakta llankayta charinami mutsurin kaypika yachak pakta runatami pushachun mutsun, kayshina, wakinpika shutichiktapash ñawinchiyman kayachiy ushan, mana ima rikunata charikmi kan kan.
Fiscal pushakman yaykunapak 10 wata ñawpaka, tawka wanachiykunapi akllarinapak runakuna kimishka kanata shinallatak kay peculado, cohecho, concusión shinallatak enriquecimiento ilícito llakichiykunapash imprescriptibles kashkamanta, kaypakka 10 wataka harkakmi kana kan.
Kayshina rikuypika, Diana Salazar warmika akllarinapak chayamuk runakuna llakta pushakwan mana ima rikunata charina kan wakinpika paykunatami ñawinchiyna paktanka, nin.
Kamachi killkak runakunaka Fiscal Diana Salazar warmi llankashkata riksirirkakuna shinallatak kunanpaklla Minkarishkapi mañayta chaskishkata tantachishpa shuk llankaywillaypimi Mamallakta Tantanakuyman chayachishun , shinaka arinishpa imami kay referéndum taripayman paktarinka.
JLVN/cz/cg-kchw
