Mamallakta Tantanakuy arinirka kay Seguridad Social kamachiyta Mamallakta Tantanakuy 130 arnishka, shuk yurak, shuk shuyaywan apuchiwan arinirka.
Kay kamachiyka kawsaykamay wasiman yaykurishka runakunaman paykuna churashka kullkita riksichun tukuy willaykunata achiklla chashkinka.
Kipaman Mamallakta Pushak rikuchun, anchuchichun kachanka, paymi mashna nikikuna, paypak yuyaywan takarikta shitanka, allichinka.
Kay mushuk kamachiywan Seguridad Social kamaywasiman yaykurishka runakunapak mashna kullki tiyashka riksinata usharinkami. Chay churashka kullki kuna punchakama mashna uchilla, hatun yupay, kipitukushka tiyashkata achiklla riksinka.
Kay kamachiy imashina llankanamanta: Roberto Gómez, Bairon Valle kamachiy killakakkunaka Organización Internacional del Trabajo (OIT) kamachiywan kimirishka kashkata riksichirka. Kutin Karina Arteaga kamachiy killkak, Comisión de Trabajadores tantarita pushakka, kay Sistema de Seguridad Social ukupi kullkita kamay mana alli kan nirka, chaytami allichishpa achiklla willanka rirka.
Kay kamachiy killkarichun llaktakunaman riksichishka, shinallatak Consejo Directivo del IESS pushakkunaman willashka kan, chay Procurador General del Estado kamachikpash alli rikuyta churashkami kan nirka, paykunaka 180 puncha llankana ñankunata churanka mutsurin nirka. Tukuripika René Yandún, César Rohon, Luis Pachala kamachiy killkakkuna rimayta churarka, unipak, achiklla IESS kamaywasi llankachun nishpa yuyayta churarka.
RSA/cz/jc-kichwa
