Kay Ecuador llaktapak mamakamachiy chawpi killkata mushukyachinapak Comité por la Institucionalización Democrática tantanakuypi, kay Comisión Ocasional de Enmiendas Minkarishka, Elizabeth Cabezas Guerrero pushakukmi virtual rimanakuyman, Rodrigo Lara runa, senador de la Cámara del Senado del Congreso de la República de Colombia llaktamanta, shinallatak Miguel Landeros runa, secretario General de la Cámara de Diputados de Chile llaktamanta; shinallatak, Salim Zaidán runa, magister en Derecho Constitucional yachak runata llaktayukmanta yuyaykunata paktachinapak kayachirka. Kay llankayka 13 puncha sitwa killa, 10h00 pacha tutamantami paktarinka.
Kaypi rimarik ayllukunaka Mamakamachiyta mushukyachinapak kimsa mañayta killkata tiyashkamatami rimarinka kay mañaytaka Jeannine Cruz, Elizabeth Cabezas kamachi killkakkuna shinallatak Esteban Bernal ñawpa kamachi killkak chayachishkami, kaypika llaktapi chapanata pushakkuna imashina akllanata, Fiscalía shinallatak Contraloría pushak kanapak imalla mutsurishka, shinallatak runa llaktakunapi kullki chayachinatami achikyachinka.
Yuyachinami kanchik Mamallakta Tantanakuyka 21 puncha kullka killa 2021 watakamami kay mamakamachiy mushukyachinapak rikuyta paktana charin, kay yallik 19 puncha kapak killka 2019 watami shuk niki rimanakuy paktarka. Mamakamachiy rikuchishkata shinallatak Ley Orgánica de la Función Legislativa kamachiyta katishpa, ishkay niki rimanakuyka shuk wata kipami paktarina kan.
Ashtawanka, llaktayukmanta chayachishka mañayka Consejo de Participación Ciudadana y Control Social tantanakuyta chinkachinapak mañakun shinallatak Mamallakta Tantanakuypash ishkay tantanakuy kachun Cámara Bicameral paykunami llakta rikuk pushakkunata akllana kan. Kay Cámara Tantanakuyka 30 senadores runakuna shinallatak chusku minkashka rukunakuna, llaktayukmanta akllashka kachun. Mamallakta Tantanakuypi rimarik ayllukunaka 137 runakunamanta 124 ayllukunaman ashayanka shinallatak washaman yanapak runakuna mana tiyanka.
Ashtawan, Kay Fiscalía General del Estado tantanakuypak kuskata mushukyachinata mañakun llaktapi llankayta achikllata rikuchun shinallatak kay corrupción llakichiytapash sinchita chimpapurachun.
JLVN/cz/cg-kchw
