Kaya puncha, 15h30 sayllamanta Mamallakta Tantanakuy 674 yupay rimanakuyta charinka.
Kay rimankuyman César Litardo Caicedo Mamallakta Tantanakuyta pushak kayarka, chay kamachiy killkakkuna paykuna rimayta charinka.
Kallaripika Mamakamachiyta allichinamanta atinakunka, kay llankaytaka Fabricio Villamar kamachiy killkak churashkami kan.
Payka 110 kamachiy killkakkunaman urayachinata riman, 16 watayuk runakuna apuchita ushanka, shinallatak awkakuna, chapakuna, tisiku runakuna, Ecduador llaktamanta istapi kawsakkuna apuchinata ushachun, chay Banco Central payllatak sumakruraypi llankachun mañan, Consejo de Participación kamachikta akllanata, Mamallakta Tantanakuyman shamuchun mañan.
Katipika, Transporte Terrestre, Tránsito y Seguridad Vial kamachiyta atinakunka, kay kamachiyka Mamallaktapi mashna antawa pushak imashina runakunata pushankapa kimirinata yachanka, kay kamachiyta yachanawasipi yachakukkuna yachachun churanka, shuktak antawata pushakkunapash yachanata charin, kamaywasipak antawakunata pushakkunapak yachanata charichun mañarka. Shina antawa ama sinkuchun allita pushanka nirka.
Tisiku runapak shutipi tisikupankata yanka chayachishkata rimanka, kayman Ministro de Salud kamachik chay llaki imashina kashkata allichichun mañarka, payllatak kay hatun unkuykuna purik punchakuna Guayaquil llaktapak hampina wasikunapi, chiriyachik unkunapi wañushkakunamanta willanka.
Shinallatak kay rimankuypika, kay killa, 24 puncha Presidentes de los Parlamentos Regionales de América Latina, Parlatino pushak rimashkata, Parlandino pushak rimashkata, Parlasur y Parlacen pushak rimashkata atinakunka, paykunaka SARS CoV 2 hampita (añawllawtu Covid-19) unkuyta harkankapa hapinata rimanakunka, hampirishpa kullkita mana hapina kachun, chaypi yuyaykunata churashpa arininka. Katipika República, Lenin Moreno Mamallakta Pushak, watapi llankashka willayta rikuchun, shuk Comisión de Participación Ciudadana tantarita churanka.
MG/cz/jc-kichwa
