Kunan, 17 puncha, Ecuador llaktamanta amawtakuna, Organización Mundial hampik tantari, Panamericana de la Salud hampi tantari (OMS/OPS), kay Covid-19 unkuyta Dióxido de Cloro (CDS) mushuk hampiwan harkana hawa tapurka.
Shinallatak, Comisión del Derecho a la Salud tantari, William Garzón kamachiy killkak pushashka, amawtakuna unkukta alliyachishpa rikuchun mañarka.
Shinallatak, María Belén Mena, PhD, Facultad de Ciencias Médicas de la Universidad Central del Ecuador yachana wasimanta amawta shamurka.
Payka tukuylla hampimanta yachak, kunankama kay Dióxido de Cloro hampi hatun unkuyta allita harkak mana rikurin nirka, ashtawankarin mana alli willaykuna uyarishka, rikurishka nirka, unkukta anchayachikta rikuchishkata willarka.
Yachachik, Enrique Terán, Biomedicina y salud hawa 20 watamanta yachachik, taripak 12, 15 watakunamanta hampishpa shamushkata riksichirka, shinapash kay Dióxido de Cloro hampi unkukkunata alliyachishkata mana allita riksini nirka. Kay hampiwan payllatak hampirin, wakinkunaka payllatak mana unkun rimarka, Guayaquil llaktapi Dióxido de Cloro hampiwan hampishka, mana yachashpa hampishka rikurirka.
Kay hampimanta tantari, OMS/OPS kamachikkunaka, hampita allita riksishpa hampina, hampishkata riksina, hampikunata mawkayachishka kipa runakunata hampina, mana yanka hapina rimarka, kay hatun unkuyta hampinata allita riksina nirka, imashina ñanta hapishpa hampina, shuktak hampikunawan takarikta, mana takarikta riksishpa hampina rimarka.
Hampik, Ernesto Pazos, Servicio de Cuidados Intensivos del Hospital Enrique Garcés pushak, kamachikka Covid-19 unkuyta Dióxido de Cloro hampiwan, chikan rikuyta churarka, payka: hatun unkuymanta kishpiyrishka kari warmi runakuna willashkata rikisichirka, hampita upyana mana uhuchin nirka, chaymanta ashtawan yachana, taripana mutsurin nirka, kay hampiwan Fundas de Transfusiones Sanguíneas ankuta; Sistemas Hemodiálisis aycha llikata mushuk hampiwan mayllashka sakirin nirka. Chaymi runakuna kawsarin nishpa riksichirka.
RSA/cz/jc-kichwa
