Kay Ecuador llaktapi kawsaykuna allichinkapa, chay Comisión del Derecho a la Salud tantari, puchu mikunanta kamanamanta mushuk kamachiypi rikuchinata karumanta kamachiy killkakkuna rimanakurka.
Mikunata ama yalli achka puchuchun runakunata ayllupi yachachinata riksichirka, chaymi runakuna paykuna mikuna paktakllata yanunka.
Chaymanta, Johana Flores, Programa de la representación de la Organización de las Naciones Unidas para la Alimentación y la Agricultura en Ecuador (FAO) kamachik, apyayapika, 20 % patsakri mikunata chinkanchik nirka.
Chayka 215 hunu, ishkaychunka pukcha mikunata watapi shitarin nishpa rikischirka. Ñukanchik Mamallalktapika 900 ishkaychunka pukcha mikunami watapi shitarin rimarka. Puchu mikunata kulliwan chimpapurakpika, 334 hunu kullkimi watapi chinkarin nishpa riksichirka, 6 % patsakri kullki Valor Agregado Bruto kapukmanta kulli shitarin nirka.
Shinallatak, Sara Granados, FAO para América Latina y el Caribe kamachikka apyayapi mikunakauna achka chanita charin nirka, chayka punchapi 4 dólar kullkita sapan punchapi, shuk runa tukuchin rimarka, shinami mikuna llikapi rikukta riksina kan nirka, chaymanta kunan hatun unkuywan achka runakunami yarikaywan kawsanka nirka.
Paymanta, Manuela Cuvi, Jurista del Derecho para el Desarrollo de la FAO en Ecuador kamachikka, kamachiykuna kay mikuna puchukunata anchuchinkapa kimirik kachun mañarka, mikuna llikata rikuchun, chapachun mañarka. Kayta rikuk kamaywasikuna; pay llankanata; katukkunata chapana; kapukunata rurana, mintalana llankkayta pushana; kamankapa imashina llikakunapi tupunata churana llankayta charinka.
Kay 2018 watapi, Argentina, Perú, Colombia hatun kamachiykunata arinirka, chayka: mikunakuna ama yanka shitarichun ashayachina, yalli mikuna tiyakpi shuktak yarikachik runakunaman kachanata kamachiykuna chapanka nirka. Mikunaka shitarikpi, ismukpi alli mikunata unipak charina, mikunata wakaychina harkarin rimarka, chaymanta runakuna alli mikunata mana charin nirka.
Kay Subsecretario de Producción Agrícola, Andrés Luque kamachik, kunanpika, chay Comité Nacional de Gestión de Pérdidas y Desperdicios de Alimentos uku wiñarichun llankakunchik nirka, chay ukuka: kamachiywan llankana, sumak ruyayta taripana, mikunamanta riksinakunata, mikunamanta llankayta, willayta ruranka rimarka.
RSA/cz/jc-kichwa
