Mama María Alejandra Muñoz Seminario, Ecuador Mamallakta mushuk Kipapushak llankaypi tiyarinka.
Chaymnanta Mamallakta Tantanakuypak kamachiy killkakkuna 678 yupay rimanakuypi César Litardo Caicedo, Mamallakta Tantanakuyta pushak llankachun runakunapak ñawpakpi arinichinka.
Shinami Mamallakta Tantanakuypak “Nela Martínez” ukupi karumanta rimashpa hatun Pushak kamachiywan akllashpa katimushkata paktachinka, Mamallakta Kipushak ukupi llankachun kachanka, shimi kamachiykunapika riman.
Karumanta rimashpa, uyashpa, rikushpa 137 kamachiy killkakkuna chaypi kanka, Mamallakta tantanakuyta pushak chaypi kanka, pay Mamallakta Kipapushkta kamachiyta iñishpa shutirinka, paypak llankay 2021 watapi tukurinka. Kipaman kamachik María Alejandra Muñoz rimayta charinka, chaypi kakkunaman, Ecuador llaktapi kawsak runakunaman rimayta chayachinka.
Mamallakta Tantanakuypi llankakkuna, kamachikkuna, awllikkuna Covid-19 hatun unkuymanta harkarishpa kay aknayta pushanka. Ashalla kamachikkunami Mamallakta Tantanakypak hatun ukpi kanka, Mushuk Kipapushakpak ayllukuna, Mamallaktapak kamachikkuna kanka.
Mamallaktapak wasi ukupi, César Litardo, hatun kamachik shutichishka, shutirisishpa pankapi shuti aspishka kipa llukshishpa Escolta Legislativa kamachik kushka kamarita chashkinka, chaymanta ña Mamallakta Wasiman rinka.
JC-kichwa
