Mamallakta Tantanakuy, llakta ushayta, Mamachiypak nikipi rimashkata paktachishpa María Alejandra Muñoz Mamallaktapak kipapushak tukuchun tiyachirka.
Payka sarun chaska puncha kamachiy killkunapak 75 apuchiwan akllashka karka, chaymanta kunan chawpi puncha chaypi aknayta pusharka.
Kay Covid-19 hatun unkuymanta, Mamallakta Tantanakuyta pushak, César Litardo Caicedo, karumanta rimashpa Mamallakta Kipashukta llankaypi tiyachirka.
Chaymant, kay aknayman Lenín Moreno, Mamallakta pushak shamurka, paypak llankana kushkamanta llaktata rikushpa llankanka. Tayta César Solórzano, Mamallakta Tantanakuyta shukniki kipapushak, Mamallaktapak hatun kamachikkuna ashalla shamurka, paykuna unkuyta sinchita harkashpa chayarka.
Mamallaktapak hayllita takishka kipa, María Alejandra Muñoz, ña Mamallaktapak Kipapushak tukushka, Mamakamachiy rimamshkata, kamachiykuna rimashka hapishpa Mamallaktapak shutipi llankasha nirka, Mamallakta Tantanakuyta pushak kushikuyta kurka, hatun unkuy hapishkamanta chaypi ñukallakta kanata mana ushani nirka.
Shinami Mamallakta Tantanakuypi llankakkuna, kamachikkuna, awllikkuna Covid-19 hatun unkuymanta harkarishpa kay aknayta pushanka. Ashalla kamachikkunami Mamallakta Tantanakuypak hatun ukupi kanka, Mushuk Kipapushakpak ayllukuna, Mamallaktapak kamachikkuna ashalla karka.
Mamallakta Tantanakuyta pushak mañashkamanta, Javier Rubio, hatun killkamayuk, Ecuador llaktapak Mamakamachiypak 150 nikita rimashkata, Función Legislativa kamachiy rimashkata katishpa, llankaypi tiyarina pankata killkakatirka, chaywan ña tukuchirka.
SV/cz/jc-kichwa
