Kay Covid-19 hatun unkuy rikurimushkamanta hampikunata rantishkamanta riksichirka.
Kaytami Comisión de Régimen Económico y Tributario, Franco Romero Loayza pushakpak ñawpakpi riksichirka.
Chaypak Juan Aguirre, General del Servicio Nacional de Contratación Pública (Sercop) kamachikka chaskirka.
Paymi tawka willaykunapi, kamaywasikuna wanayta churashkata tukuy chaypi kak kamachiy kilkakkunaman riksichirka.
Chaymanta Sistema de Contratación Pública hatun kamachikka hatun llakikuna, mutsuykuna tiyakpika kallaripi churashpa rantinchik nirka, chay utkashpa rantinataka kamachikuna, Sercop kamachikunapash rikunata mana ushanchu nirka, Mamallaktapak rantinata munakkunapash sakinata mana ushanchu nirka, shinami hatun rantinakunapi kunankama katin nirka.
Kamachik Aguirre, kay hatun unkuy purik punchakunaka 455 dólar hunu kullkiwan hampikunata rantishkata rikuchirka, chay mashnaypi mirarishpaka 650 dólar hunu kullkimi hanpi rantinapi tukurishka nirka, chay mashnaymanta urayachun mana sakishka, rimarka achkata rantishpa 1580 dólar hunu kullkiwan rantishka kan, chay kullkipi rantishkamantaka 9,7 % patsakri kullkimi urayashka nirka. Akllashpa rantishpaka mana urayachinchu, shinami willarka.
Kay Sercop kamachik rimashka kipa, kamachiy killkakkuna hatun unkuymanata llakikuna purikuy pachaka zirmallikata katishpa rantishkamanta rimarka, chaypi pantaykuna tiyashpa achka kullkita tukuchishka kan, chaytami taripana kan, willaykunata pallana kan nirka, 78 pantaykuna tiyashkaman Fiscalía General del Estado kamachikkuna katikun, hampi hillaykunata rantishkata, hampikunata rantishkata katina nirka, Compras Públicas kamachiy imashina llankakushkata rikuna kan, rimarka.
Minkashka kamachiy killkakkuna rimashka kipa, Juan Aguirre hampikunapak chanikumanta rimarka, mana shuklla chanita rikuchinata usharka, Sercop kamaywasika rantikkunata mana huchachik kan, kay churayka Contratación Pública kamachiypi tiyan nirka. Rantinkapa willaykunata Contraloría General de Estado kamachikman riksichishka, chay kamachiy imashina kullkita tukuchishkata rikunka nirka, mana alli willaykuna tiyashkata achiklla kachun mañanka nirka.
EA/cz/jc-kichwa
