Kay Juan Carlos Zevallos, Salud Pública hampik kamachik, hatun unkuy purik punchakuna 3000 tisiku pankakuna kushka chay mashnaymanta 210 pankakuna yanka kushka kan, chaymanta 22 awllikkuna anchichishka kan.
Pankata yanka hapik awllikkunata hunchinkapa ñami taripaykuna kallarishka nishpa willarka, shina mayhanlla kashkata riksinka.
Chaymantami huchachishka awllikkunami imamanta, imashina tisiku pankakunata yanka chayachishkata willanka, shinami 22 awllikkuna shutita hapishka kan, kay 454 tisiku pankakuna anchuchinkapa kan, chay pankakunata kuk kamachikkuna wanachishka kanka.
Yapa, ashtawankarin chay MSP kamaywasi kamachikkunapak makiwan, 2003 watamanta mashna tisiku pankakunata yanka kushkata taripakun. Kunankamanka 64 kuskakunapi taripanka chanishkata charin, mashkashpa katitishpa llakita charik markakunaman chayanka, chaymi mashna kamachik ukukuna llakita charik rikurinka.
Kamachiy killkakkunapak mancharika: taripashkata willashka, imashina tisiku runa kakpi tisiku pankata chayachishkata willlanka, mayhan kuk runakuna, huchachishkata katina, yallikta mashkashkata, yallikpi mashkashkata.
Kay Carlos Vera kamachiy killkakmi yanka tisikupankata kushkamantaka MS kamaywasimi huchata aparinka, 2014 watamanta chay llakita rurashkamanta huchata aparinka nirtka. Shinallatakmi Marcela Holguín kamachiy killkakpash rimarka, chay Fiscalía kamaywasiman 22 awllikkunapak shutita kushkami kan nirka, shinapash 2254 runakuna yanka tisiku pankata hapishkata rimarka.
Kamachiy killkak, Elizabeth Cabezas, 2019 watapi achka antawakunata ista llaktamanta apamurka nishpa willarka, shinami Senae kamaywasi willarka nishpa riksichirka, kaytami mayhanlla ashalla kullkipi rantimushkata willarka. Shinallatak Patricia Henríquez kamachik, mana tisiku runakunaman tisikupankata kushkata riksishpa llakirini, shina chawpashpami tisiku runakunata ashtawan llakichishkamanta achkata nanarini nirka. Ishkay sayllata rimanakushpa, chilla puncha 15h00 sayllamanta rimankunkapa sakirirka.
RSA/cz/jcv-kichwa
