Kay Comisión del Derecho a la Salud tantari, paypak 088 yupay tantairipi, kaya puncha, 08h00 sayllamanta, Mamallakta Tantanakuy kachashka, chusku kamachiy killkakkuna tisikupankata yanka hapinkapa katishkata willanka, chayta riksishpa huchachinka taripaykunata ruranka.
Kay Fabricio Villamar, Israel Cruz, Marcia Arregui, Ramón Terán kamachiy killkakkuna tisikupankata yanka hapinkapa imashina katishkata riksichinka.
Paykunaka, mashna tisiku runakuna tiyashkata, paykuna ima llakikunata charishkata willlanka, allikawsaypi, yachaypi, mikunapi, churarinapi, kullkipi, llankaypi llakita charishkata riksichinka, chaytami shuktak kamachiy killkakkuna uyanka.
Shinallatak, tukuylla awllikkunata mashkanka, paykunaka: Juan DeHowitt; Catalina Vélez, Roberto Passailaigue kamachikkuna kanka. Paykunapak munaymanta: Javier Vaca, Marco Morales runakuna chaypi kanka.
Chishiman rimanakuy
Kutin, 15h00 sayllamanta, 086 rimanakuyta kutintak kallarinka, chaypimi Salud Pública, Juan Carlos Zevallos kamachik kanka, chaypimi kamachiy killkakkunapak tawka tapuykunata churanka, chaytami Allikawsay kamachik tikrachinka.
RSA/cz/jc-kichwa
