Kunan tutamanta Unidad Educativa Dr. Enrique Noboa Arízaga de La Troncal yachanawasi, Cañar markamanta 88 yachakukkuna, ‘Asamblea en mi Colegio’ llankayta kallarichun yachanawasita mañachirka.
Kay aknayka karumanta rimashka pusharirka, chay markakamanta kamachiy killkakkuna, Mamallakta Tantanakuyta pushak, César Litardo Caicedo rimarka.
Payka pakta runakuna, yachakukuna, imillakuna imashinami Mamallakta Tantanakuy llankakta riksichun kay llankakta kallarichinchik rimarka.
Llaktakuna, runakuna Mamallakta Tantakuypak llankayta kunankama mana riksin nirka. Kamachiyta killkanaka mana hawallla kanchu nishpa riksichirka, sinchimi kan, shinapash runakunawan, yachakkunawan, kamachikkunawan, llaktakunawan rimanakushpa, yuyarishpa killkanata usharinllami rimarka.
Mama, Jhaneth Astudillo, Unidad Educativa Dr. Enrique Noboa Arízaga yachanawasita pushak, ‘Asamblea en mi Colegio’ llankayka may allimi kan nishpa makita waktarka, kay llankaywan Mamallakta Tantanakuypak llankayta achkata riksirinka nirka. Kipaman Mamallaktapak kamaywasikuna awllikta, kamayta riksirin nishpa yupaycharka.
Paymanta, Juan Cárdenas, Cañar markamanta kamachiy killkak, Mamallakta tantanakuy ukupi pakta runakuna kashpami llakta ushayta sinchiyachin nirka, shinami Cañar markamanta pakta runakuna yachanka, llaktak kashpa runakunata, llaktakuna yanapankapami kan, chay pakta runakuna munashpaka may allimi kanka, rimarka.
Kay 88 yachakukkunaka, kay killa 30 puncha, 31 puncha Mamallakta Tantakuypak awllita riksinka. Kay rimanakuyka imashinami Mamallakta Tantanakuy paypak llankay punchakuna rimanakuyta, atinakuyta charin, chaytami riksinka, kunapika yachakukkunka, Código de la Democracia kamachiypak 99 nikitami atinbakurtka. Shinallatak imashinatak Código de la Niñez y Adolescencia kamachiyta allichinata yacharka. Kay llankaytaka Coordinación de Participación Ciudadana tanbtari, Legislativa del Cañar wasi, UE. Dr. Enrique Noboa Arízaga, de La Troncal yachanwasi yanapayta kurka..
EA/cz/jc-kichwa
