Yachaykuna rurashka ukupi kay Rol de la Junta Distrital de Resolución de Conflictos hawwa yachashpaka chikan chikan Sistema Educativo Ecuatoriano llankak achkata yanapanka.
Shinami, kari warmi wawakunapak, imillakunapak hayñita pakiktami Educación Kamachiyka harkanka nishpa rimanakurka.
Kay Ministerio de Educación kamay ukumanta Subsecretaría del Buen Vivir, Sebastián Salazar kamachik, Juntas Distritales llankaypi llaki rikurishkata riksichirka.
Chaymanta, kamaykunata rurashpa kutintak alli yachaykunata, llankaykunata kallarichinata hamutachirka, kari warmi wawakuna, imillakuna paykunapak hayñimanta karuyashkata riksichirka. Kamachiy yachakuna, kamachikkuna llakiman chayarishpa kay llakita allichina hawa rimarka.
Chay Andrés Aguirre kamachik, Dirección de Protección de Víctimas de la Defensoría Pública kamaywasimanta shamukka, kari warmi wawakunapak, imillakunapak llakita riksishpa harkana nirka, kay llakikunaka 24 markapi, 146 kitipi, 194 kuskapi rikurin nirka. Kay llakikunata anchuchinkapa kamaywasipura, kamachikpura kamahiy pakita anchuchinkapa sinchita llankana. Imashina makita kushpa llankanata yuyayrina, rimarka.
Kay Mientras, Isabel Vargas, Magisterio tantartipak shutipi, Mamallaktapi yachachikkunata huchachishpa katinkapa Juntas tantarita hapishpa llakichishkata rikushpa kaparirka, chay mana allichichun kan nishpa mitsarirka, shina mana katina kanchu nirka.
Shinallatak, Daniela Pabón, Consejo de Protección de Derechos kunakmanta shamuk, wawakunapak hayñita ukllankapa kamaywasipura tantarishpa, makita kushpa sinchita llankana nirka, shinami wawapak hatun awkita ukllana nirka. Yachakuk Scarlet Tamayo, kay Juntas Distritales kamachikkuna llakirishka wawakunata kamana, ukllana kan nirka. Llakichik runakunatapash harkanka, rimarka.
Tukuripika, Jeannine Cruz, yachayman kimirishpa llankakkunata yupaychashpa, mushuk yuyaykunata, rikuykunata churashka, kay Educación Intercultural (LOEI) Hatun Kamachiyta killkankapa, ashtawankarin willayta killkankapa achkata yanapanka, rimarka.
EG/cz/jc-kichwa
