Mamallakta Tantanakuy kaya puncha 15:00 sayllamanta 679 yupay rimanakuyta charinka, chaypi mamakuchuta ukllanamanta riksinka, chay Galápagos llaktapi kamachiyta pakishpa pakalla chalwakunata hapikushkata supaychanka.
Kay rimanakuyman César Litardo Caicedo, Mamallakta Tantanakuyta pushak kamachiy killkakkunata kayarka.
haypi Consejo de Administración Legislativa (CAL) tantari, raymi killa, 4 puncha, 2019 watapi ista tantarita churashkata rimanka, paymi kay llakita katichun arinishkata rikunata charirka, mamakuchapi yanka mana kamachiywan chapashpa harkana karka.
Kay rimanakuypi Para la Protección del Empleo y la Garantía de Estabilidad en el Servicio Público Hatun Kamachiyta atinakunka, kay llakita anckuchinkapa allita yachak runakunata churanka atinakunka Servicio Público Kamachiypa 9 nikita mana paktachishkata rikunaka, yuyarishkamanta kullkita mnana kushkamanta llakita allichinaka rimanka.
Shinallatak Mamallakta Tantanakuy Comisión de Desarrollo Económico llankamushkata rikunka chay, Modernización a la Ley de Compañías kamachiyta kallari atinakuyta charinka, kipaman ishkaykutin atinakuyman yaykurichun minkashkaman tikrachinka.
Kay kamachiywan kamachiywan rikishka llankakwasikuna, mana shutita charik llankakwasikuna imashina katinamanta allichinka, paykuna imashina llankamashkamanta willaykunata, llankashk pankakunata sapan wata imashina paykunata rikuk kamachikkunaman chayachinka, shina ista llankakwasikuna paykunapak llankayta achiklla rikuchinata nikikunapi churanka.
Shinallatak Mamallakta Tantanakuy Ecuador llaktapak hatun kamachikwan, Cuba llaktapak hatun kamachikwan kay Tratado para el Traslado de Personas Sentenciadas hawa atinakunka, chaymanta kay Código Orgánico Integral Penal (COIP), en Materia de Tránsito hawapash achkata atinakunka.
MG/cz/jc-kichwa
