Mamallaktapi kullki illashkamanta, hatun unkuymanta llakikuna tiyashkamanta Decreto Ejecutivo churashka kamachiywan tukuylla willaykunpi llankakkunata imamanta surkushkata willachun mañanka.
Kaytami Grupo Parlamentario por los Derechos de los Trabajadores y la Seguridad Social tantari rimashpa katin. Kay llakita Mamallakta Tantanakuyman willayta churana Liliana Durán, rimarka.
Llankakkunata, llankaymanta surkuna hatun llaki kan nirka, paykuna mashna watata llankashkata rikushpa kullkiwan riksina nirka, Mamallaktapi willay llankaykunami tiyana lkan, llankakuna paykupak hayñita ukllana kan, Liliana Durán kamachiy killkak rimarka.
Kay Empresa de Medios Públicos willashpa llankaymanta, kamachy killkakkuna kamachiyta paktachichun, llankakkunata ama llankaymanta surkuchun mañarka, yallik llankakkuna achka llakita apakun, llakipi kawsakun nirka, shukpaklla willakta Mamallakta hapishkata mana alli llankakun nirka.
Kay Alexis Moncayo, Ecuador TV willana hillaypi yallik llankak, karwa killa, 2019 watapi llankaymanta surkushka, mashna watamanta llankashkamanta kullkita mana kushkata willarka, willaytapash mana chayachishka nirka. Kutin Christian Salinas, tisiku kak, tukuylla ankipi, karurikuchik willaypi llankak, kay Decreto Ejecutivo Kamachiy llukshishka kipa 508 runakunata surkushka nirka, chay llukshikkunamanta 175 runakunami tisiku karka nishpa riksichirka, paykunataka Discapacidades kamachiyta mana rikushpallami surkurka nishpa riksichirka, willarka.
Chaymanta, Ricardo Moya, Servicio Público del Ministerio de Trabajo kamachik, Empresa de Medios Públicos llankakwasita yanapani nirka, chaymanta llakikunata uyankapa, llankakkunapak awkita chaninkapa kaypi kani nirka, payka llankashkamanta kullkita kunkapa 2 hunu dólar kullki mutsurin, chaytaka kuski killapi kuna kanka, shnami Código de Trabajo kamachaypi riman nirka, llankaymanta llukshishka tukuy runakunaman kunkapa 8 141 992 dólar kullkimi mutsurin nirka.
Kay Defensoría del Pueblo kamaywasipak shutipi riki, Harold Burbano kamachik, Empresa de Medios Públicos llankakwasita wichkashkata rikuchun mañarka. Hatun unkuy rikurishkakamanta Mamallakta kullki charinapi ancha llakita charishka nirka, ashtawankarin willaypi hatun llaki tiyashka nirka, tukuylla willanapi llankakkunapak kullki, kawsaytarpuy, yachay llakikunata Mamallaktapak hatun kamachikpimi rikunata charin nishpa, charirayarka.
RSA/cz/jc-kichwa
